Пацярпелі з-за неасцярожнай суседкі
5 пажарных разлікаў і хуткая дапамога выехалі, атрымаўшы паведамленне пра пажар у дзевяціпавярховым доме.
Чорны дым вырываўся з вакна двухпакаёвай кватэры на 5 паверсе.
Гаспадыня, пенсіянерка 1941 года нараджэння пайшла на рынак за пакупкамі, дома заставалася яе 45-гадовая дачка.
Байцы МНС знайшлі жанчыну і вынеслі з кватэры на чыстае паветра. У пацярпелай абгарэла 7% цела. З апёкамі 1-ай і 2-ой ступені твару і рук яе шпіталізавалі ў апёкавае аддзяленне бальніцы хуткай медыцынскай дапамогі.
Жыльцоў верхніх паверхаў таксама давялося эвакуяваць.
Пажар пашкодзіў канапу, тэлевізар, тумбачку ў кватэры, закопчаныя сцены і столь.
Прычынай пажара магло стаць неасцярожнае паленне.
Паводле http://112.by