У Лідзе супрацоўнікам крамы выдалі заробкі талонамі
Частку свайго штомесячнага авансу супрацоўнікі крамы атрымалі ў выглядзе сэртыфікатаў на набыццё тавараў у сваёй жа краме, піша nash-dom.info.
Сэртыфікат альбо “талон” выглядае як паперка з штампам і пазначанай сумай у 30 тысяч рублёў.
Супрацоўнікаў папярэдзілі, што рэшту за набыты па талоне тавар яны атрымаць не змогуць: давядзецца падбіраць тавар на ўсю суму, прадугледжаную сэртыфікатам.
Супрацоўнікаў крамы такая практыка не абурае. Людзі асаблівага задавальнення не выказваюць, але адзначаюць: “ звычайная справа, хоць і нязручна”.
Паводле http://nash-dom.info