Другая запар параза “Нёмана”
Пасля паразы “Нёмана” 0-6 у Барысаве ад тамтэйшага БАТЭ гарадзенскія заўзятары чакалі ад каманды толькі перамогі.
Гаспадары, аднак, паказалі вельмі бляклую гульню.
За два таймы для брамы гасцей узнікла толькі пара вострых момантаў (у адным з іх Дзмітрый Кавалёнак накіраваў галавой мяч у перакладзіну).
Дынамаўцы ж неаднаразова ладзілі вострыя контратакі. Пара берасцейскіх нападнікаў Васілюк-Мазалеўскі шмат разоў ставіла ў тупік гарадзенскую абарону, якая ўрэшце рэшт дазволіла першаму замкнуць прастрэл з фланга.
Ішла 73-я хвіліна. Стадыён пачаў імкліва пусцець…
16 траўня “Нёман” прыме на сваім полі “Віцебск”.
На здымку: Нёманцам пара паклапаціцца пра свой гонар.
Фота: fcneman.com