Дырэктар прыватнага прадпрыемства схаваў ад падаткавай 220 мільёнаў прыбытку
Дырэктар вызначыў стаўку платы за кожную замову, якую дыспетчар перадаваў кіроўцам. Грошы кіроўцы таксі перадавалі непасрэдна дырэктару прыватнага ўнітарнага прадпрыемства, які не афармляў іх адпаведным чынам і хаваў ад падаткаабкладання.
З 2007 да 2011 год, паводле праверкі, сума схаванага прыбытку перавысіла 220 мільёнаў, а сума нявыплачаных падаткаў склала каля 85 мільёнаў рублёў.
У дачыненні дырэктара распачатая крымінальная справа за ўхіленне ад уплаты падаткаў. Ён сваю віну прызнаў і выплаціў усю суму падаткаў.
Паводле http://www.belta.by