Прафкам універсітэта вырашае пытанне звальнення Андрэя Чарнякевіча

|

Першае пасяджэнне прафкаму, скліканае па ініцыятыве рэктара ўніверсітэта, адбылося ў аўторак.

Тады пытанне звальнення Андрэя Чарнякевіча як злоснага парушальніка працоўнай дысцыпліны было пастаўлена на галасаванне.

11 удзельнікаў пасяджэння прагаласавалі супраць, 8 – за.

Відавочна, такія вынікі не задаволілі арганізатараў схода, і сёння прафкам збіраецца зноў.

 

Першая спроба звальнення аднаго з аўтараў “Гродназнаўства” з Гродзенскага дзяржаўнага ўніверсітэта імя Янкі Купалы адбылася 10 верасня, але тады выкладчыка былі вымушаныя аднавіць на працы.

Гісторыю свайго звальнення дацэнт Андрэй Чарнякевіч падрабязна апісаў у адкрытым лісце да прарэктара С.Агіявец. Гісторык быў перакананы, што справа на гэтым не скончыцца.

 

Ціск адчулі і іншыя гродзенскія гісторыкі – аўтары “Гродназнаўства”.