З-за нецвярозай школьніцы на машыне ў Гродне пацярпелі 8 аўто
Паводле начальніка аддзялення агітацыі і прапаганды УДАІ УУС Гродзенскага аблвыканкама Яўгена Дудко, 17-гадовую дзяўчыну запрасіў у госці яе 25-гадовы знаёмы. Не маючы правоў, яна ўзяла бацькоўскую ”VW Sharan” і паехала да сябра.
Выпіўшы ў машыне 2 літры піва, маладыя людзі пасварыліся, пасля чаго дзяўчына захацела з’ехаць. Перад выездам з двара, яна, па словах інспектараў, мэтанакіравана пачала “рухацца ўзад-наперад па двары”, кіруючы машыну на прыпаркаваныя побач.
Ад дзеянняў школьніцы пацярпелі 8 машын, улічваючы бацькоўскую.
Падрабязнасці здарэння высвятляюць супрацоўнікі ДАІ і бацькі дзяўчыны.
Паводле autogrodno.by
Здымак autogrodno.by