Абвешчаны конкурс “Прэс-фота Беларусі – 2013”
На конкурс прымаюцца работы беларускіх фатографаў,знятыя на тэрыторыі Беларусі, альбо за межамі, але маючыя дачыненне да беларусаў і Беларусі, зробленыя ў перыяд з 1 студзеня да 31 снежня 2012 года, як апублікаваныя, так і не апублікаваныя.
Юлія Дарашкевіч, адна з арганізатараў конкурса:
– У гэтым годзе мы крыху змянілі тэхнічныя ўмовы і ўвялі новую намінацыю пад назвай “Мабілаграфія”. Гэта адзінкавыя здымкі і серыі, зробленыя на мабільныя тэлефоны і апрацаваныя пры дапамозе Instagram, Hipstamatic і іншых праграм з прымяненнем розных фільтраў і эфектаў.
У мінулым годзе дасылалі вельмі шмат інстаграмных фатаграфій, хаця па ўмовах нашага конкурса візуальнае ўмяшанне было забаронена.
За мабільнай журналістыкай будучыня, гэта ўжо зразумела, часта даводзіцца здымаць у крытычных умовах, таму мы ўвялі новую рубрыку.
Журы таксама стараемся кожны год абнаўляць. Сёлета ў журы ўвойдзе Сяргей Грыб – адзін з лепшых рэпартажных фатографаў Беларусі.
Фотаздымкі на конкурс прымаюцца да 28 лютага (уключна) на e-mail: [email protected] .
Да фотаздымкаў павінна быць далучаная анкета.
Падрабязная інфармацыя пра ўмовы ўдзелу і патрабаванні да ўдзельнікаў – тут.
Здымак http://i1.i.ua