У Ашмянскім раёне рэалізуюць чарговы транспамежны праект

18 сакавіка 2013 ТС |

Яго рэалізуюць Ашмянскі раён з беларускага боку і Віленскі – з літоўскага.

Беларуская частка праекта складае 65,7 тысячы еўра.

На гэтыя грошы будзе распрацаваны новы турыстычны маршрут па Ашмянскай узвышанасці, у тым ліку і віртуальная версія ў фармаце 3D.

Для краязнаўчага музея ў Ашмянах набудуць абсталяванне аўдыёгіда.

А для правядзення фестываля “Гальшанскі замак” з рыцарскім турнірам – гістарычныя строі.

Запланаваны выраб партыі інфармацыйных стэндаў, турыстычных даведнікаў, мапаў, паштовак, каталогу “Майстры памежнага рэгіёна”.

Спецыялісты рэгіёнаў-ўдзельнікаў сустрэнуцца для абмену досведам.

Праект мусіць быць завершаны да лістапада.