Гарадзенская абласная падатковая інспекцыя па выніку праверак выявіла шматлікія парушэнні ў дзейнасці фірмы “Палоніка”, якой кіруе Анджаліка Борыс. Інспекцыя перадала справу ў Гаспадарчы суд. Дата паседжання ў судзе пакуль невядомая.
Дзявяты фестываль праваслаўных спеваў “Коложский благовест” адбудзецца ў Гародні 10-13 лютага. Сення фестываль фактычна мае международны статус. Сёлета ў ім прымуць удзел каля чатырох дзясяткаў калектываў з Беларусі, Расіі, Літвы, Польшчы, Украіны, а таксама ў першыню з Арменіі і Сербіі.
Як паведамляе прэс-служба Лукашэнкі, адстаўка старшыні Гарадзенскага аблвыканкама звязаная са станам здароўя Саўчанкі, які папрасіў «перавесці яго на працу з меншым аб’ёмам задач».
На працягу года на Гродзеншчыне адбылося 42 аўкцыёны, на якіх прададзена 378 дзяржаўных аб’ектаў. Нерухомасць пераважна карыстаецца попытам у абласным цэнтры і раённых гарадах Прынёмання.
Гарадзенка Тамара Шукайла ужо два гады дамагаецца стварэння прыстойных умоваў жыцця ў доме 165 па вуліцы Дзяржынскага. Урэшце ўсе яе намаганні засталіся марнымі і жанчына звярнулася ў суд.
Міжнародная навукова-практычная канферэнцыя “Народы, культуры і сацыяльныя працэсы на памежжы” адбудзецца 22-23 лютага ў Гародні. Яе арганізатарамі з’яўляюцца Фонд ААН у сферы народанасельніцтва, Гарадзенскі дзяржаўны ўніверсітэт імя Янкі Купалы, Нацыянальная акадэмія навук Беларусі і Інстытут сацыялогіі НАН.
У судзе Астравецкага раёна 18 студзеня было праведзена папярэдняе судовае слуханне, на якім у парадку рэгрэcа разглядалася позва Беларускага бюро па транспартным страхаванні, прад’яўленая мясцоваму антыядзернаму актывісту, сябру АГП Мікалаю Ўласевічу пра пакрыццё шкоды прычыненай у выніку ДТЗ, якое адбылося 11.09.2009. Нагадаем, тады з машынай Уласевіча сутыкнулася машына, якая належыць Астравецкаму раённаму аддзяленню КДБ.
Шэраг сустрэчаў з Уладзімірам Арловым пройдзе 20–21 студзеня па Беларусі. 21 студзеня Уладзімір Арлоў завітае ў Бярозу Лідскага раёна Гродненскай вобласці і правядзе адразу некалькі культурніцкіх сустрэчаў.
Распачалося будаўніцтва маста праз Нёман непадалёк ад вёскі Жылічы. Як паведамілі ТС у Дарожным будаўнічым упраўленні №18, дзве апоры мaста ўжо ўсталяваныя. Для астатніх трох апор рыхтуюцца будаўнічыя пляцоўкі і пад’яздныя шляхі для ўладкавання апор.
Закрыццё ў Літве Ігналінскай АЭС — гэта шанец для аднаўлення ўнікальнай прыроды Браслаўскага краю і карысць для здароўя яго жыхароў. Такое меркаванне выказала кіраўнік грамадскага аб’яднання «Экадом» Ірына Сухій, каментуючы БЕЛАПАН спыненне Ігналінскай АЭС, якое адбылося напярэдадні 2010 года.
