Гродзенскія фарты стогадовай даўніны фармальна ёсць у спісе гісторыка-культурных каштоўнасцей, але ў рэальнасці з імі адбываюцца розныя дзіўныя рэчы. Адзін разбурылі, каб пабудаваць фабрыку, іншы зраўнялі з зямлёй пад могілкі, яшчэ адзін ператварыўся ў слуп пасярод поля.
Некалькі тыдняў таму на выставе польскай гістарычнай кнігі ў Варшаве прэзентавалі комікс у чатырох частках, першая з якіх распавядае пра абарону Гродна ад Чырвонай Арміі ў верасні 1939 г. Комікс выдадзены Польскім Інстытутам Нацыянальнай Памяці, дзяржаўнай структурай, якая займаецца галоўным чынам вывучэннем рэпрэсій супраць польскага народа ў ХХ ст.
