Унікальны палацава-паркавы комплекс у Свяцку, узведзены італьянскім архітэктарам Джузэпэ Сака ў XVIII стагоддзі для магнатаў Валовічаў, застаўшыся без гаспадара, пакрысе разбураецца. Іншага падобнага помніка архітэктуры блізу Гродна няма, піша svaboda.org.
Старшыня “Нёмана” Іван Варсовiч не дазваляў арандаванаму “Гранітам” галкіперу Уладзіславу Васiлючаку гуляць у матчы супраць гарадзенскай каманды ў 15 туры чэмпіянату Беларусі. Цяпер мікашэвіцкай камандзе можа пагражаць штраф у 10 тысяч долараў.
Беларуская чыгунка ў сістэме продажу праз інтэрнэт на сайце poezd.rw.by пачала прадаваць білеты ў міжнародных зносінах з краінамі Еўропы: Польшчай, Германіяй, Балгарыяй, Францыяй, Чэхіяй, Венгрыяй і іншымі, паведамілі ў прэс-цэнтры БЧ.
Гарадзенскі “Нёман” атрымаў другую перамогу запар у Кубку Салея. На гэты раз падапечныя Сяргея Пушкова ў Гродне абгулялі “Дынама-Маладзечна”.
Гарадзенка Яна Шостак у час сустрэчы Папы Рымскага Францішка з валанцёрамі Сусветных Дзён Моладзі ў Кракаве узняла транспарант з надпісам „Papa call me” і сваім нумарам тэлефона. Папа пакуль не пазваніў, затое дзясяткі людзей з усяго свету павіншавалі за смеласць і арыгінальнасць.
У канцы ліпеня суд Кастрычніцкага раёна Гродна вырашыў, што 78-гадовая пенсіянерка Марыя Андрэеўна [усё імёны змененыя] павінна выпісацца з кватэры сваёй 47-гадовай дачкі. Рашэнне прынялі завочна – жанчына не прысутнічала, бо была ў шпіталі. Пасля выздараўлення сталая кабета дамаглася, каб справу пераглядзелі ўжо з яе ўдзелам. Маці і дачка сустрэліся ў судзе 1 жніўня.
У Гродне ўлады хочуць падтрымаць ідэю жыхароў горада па стварэнні месца, прысвечанага розным фільмам. “Гродзенскі рэгіён з’яўляецца папулярным месцам для здымкі кінастужак або эпізодаў. Рэжысёраў цікавіць гістарычны цэнтр Гродна, які захаваўся, маляўнічыя месцы, азёры і аб’екты архітэктурнай спадчыны ў раёнах вобласці. Гэтую папулярнасць мы хочам падкрэсліць, стварыўшы ў абласным цэнтры такі аб’ект для дэманстрацыі як турыстам, так і жыхарам вобласці, бо гэта цікавыя факты ў гісторыі іх малой радзімы”, – распавёў карэспандэнту БЕЛТА намеснік старшыні Гродзенскага аблвыканкама Віктар Лісковіч.
«Выцінанкі рабілі ад Калядаў і да Калядаў. Пры гэтым кожныя паўгода хату ўпрыгожвалі па-рознаму. Сядалі жанчыны і выразалі фіранкі ды ўпрыгожванні», — расказвае гродзенскі майстар Станіслаў Муліца парталу TUT.BY.
Святкаванне Дня паветрана-дэсантных войскаў у Гродне пачалося з ускладання кветак да мемарыяла воінам-інтэрнацыяналістам. Далей калона з дваццаці дэсантнікаў накіравалася ў цэнтр горада на традыцыйныя гулянні.
Больш станцый, дзе ў горадзе можна ўзяць напракат роват у межах сістэмы BiKeR (Беластоцкая роварная камунікацыя), хочуць стварыць дэпутаты гарадскога савета Беластока. Таксама сярод іх прапаноў – дадаць дзіцячыя і электраровары. Гарадскі ровар – надзвычай папулярны ў Беластоку. Сёлета жыхары горада ў чарговы раз пабілі рэкорд па колькасці выкарыстанняў BiKeR’a, піша poranny.pl.
