У Музеі гісторыі рэлігіі з 26 кастрычніка паказваюць работы вядомага літоўскага святара-скульптара Антанаса Рымавічуса, які пры жыцці стварыў больш за 500 унікальных работ з дрэва на тэму хрысціянства. У Гродне выставілі больш за 50 экспанатаў майстра. Іх прывезлі з Шаўляйскага музею «Аўшрос».
Антанас Рымавічус (1865−1933) — адзіны вядомы літоўскі святар-скульптар. Ён ніколі прафесійна не вывучаў мастацтва, але навучаўся з народнага досведу, быў разьбяром-самавукам. Значны ўплыў на яго творчасць аказала скульптура барока, якая шырока прадстаўлена ў касцёлах Літвы і Беларусі. Па гэтых узорах ён самастойна вывучаў дрэва як матэрыял, практыкаваўся ў складанні кампазіцыі і мадэляванні фігуры.
На выставе ў Гродне прадстаўлена больш за 50 разьбяных вырабаў з дрэва: круглая драўляная скульптура і барэльефы. Гэта творы рэлігійнай тэматыкі: фігуры розных іконаграфічных тыпаў Ісуса Хрыста, Маці Божай, святых і царкоўных дзеячоў, а таксама евангельскія сцэны «Тайная вячэра» і «Малітва на Аліўкавай гары».
Выстава ў Гродне будзе доўжыцца да 10 снежня.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…