Адноўлены алтар у Фарным касцёле ў Гродне. Фота: Максіміліян Пік, прэс-служба Гродзенскай дыяцэзіі
Адноўлены алтар «Бічаванне Пана Езуса» ўрачыста адкрылі ў кафедральным саборы святога Францішка Ксаверыя ў Гродне 11 лютага. Гэта быў найбольш пашкоджаны з усіх алтароў касцёла: каб яго адрэстаўраваць, давялося разбіраць усю канструкцыю цалкам.
Алтар быў сур’ёзна пашкоджаны, піша grodnensis.by. У час Другой сусветнай вайны з правага боку святыні выбіла вокны, з гэтай прычыны ўнутр трапляла вільгаць і дрэва падгніло. Таму ў ходзе рэстаўрацыі давялося поўнасцю разабраць алтар, чаго не рабілі з папярэднімі. Усе яго часткі былі сабраны нанова, некаторыя элементы заменены. Жывапіс алтара аднаўляў гродзенскі мастак-рэстаўратар Уладзімір Кіслы.
Наступным будзе адноўлены алтар Маці Божай Нястомнай Дапамогі - працы ўжо пачаліся.
У Фарным касцёле 13 алтароў, з іх 12 драўляных. Большасць былі выкананы ў XVIII стагоддзі. Аднаўленні алтароў пачаліся пасля пажару, які здарыўся ў касцёле ў 2006 годзе. Гэтак у 2018 годзе скончылі рэстаўрацыю алтара Маці Божай Разарыя. У планах пробашча касцёла Яна Кучынскага — аднавіць усе алтары ў храме.
У пачатку вялікіх выхадных у Беларусі чэргі на мяжы зноў выраслі - на гэты раз…
У Гродне закрываецца "VIP bar" на Дзяржынскага, 8А - не прапрацаваўшы і двух месяцаў. Ён…
Фірму-уладальніка крамы "АвтоЗапчасти" ў Гродне, ТАА "Рукша", зноў хочуць збанкруціць. Банкруцтва хочуць прызнаць праз эканамічны…
Два новенькія электрычныя пікапы Tesla Cybertruck 2023 года выпуску затрымалі літоўскія мытнікі 7 траўня ў…
Будынак запраўкі “Газпрамнафты”, а таксама матэль і кафэ ля самай беларуска-літоўскай мяжы прадаюць з аўкцыёну.…
"Каманду Латушкі і Рух "За Свабоду" 8 траўня прызналі экстрэмісцкім фармаваннем. У ліку адказных за…