Знаходку выявілі 15 лютага на адным з раскопаў ля Старога замка. Меркавана, цагліна датуецца канцом 14 стагоддзя — часам, калі замак у Гродне перабудоўваў Вітаўт.
Герб «Калюмны» — адзін з дзяржаўных сімвалаў Вялікага Княства Літоўскага: у чырвоным полі тры белыя слупы, злучаныя ўнізе. Падобны герб сустракаўся на манетах ВКЛ, а таксама з гэтым сімвалам на сцягах літоўскія харугвы змагаліся пад Грунвальдам.
Цэгла была знойдзена ў тым месцы, дзе быў двор замка. На думку археолага Алеся Хацько, цагліны маглі быць часткай якой-небудзь печы, бо некаторая з іх пакрытыя сажай.
«Падчас капання аднаго з шурфаў нам пачалі трапляцца фрагменты гатычных цаглін часоў замка Вітаўта. І сярод іх быў знойдзены нейкі новы від цэглы, які раней не трапляўся, — распавядае Алесь Хацько. - Было вiдаць на кавалках цаглін нейкі выступаючы знак. І ўжо тады ў нас была здагадка, што гэта альбо літоўскія „Калюмны“, альбо іншы від княжых знакаў.
15 лютага нам трапілася цэлая цэгла і наша здагадка пацвердзілася. На цэгле захаваўся знак „Калюмны“ — герб Гедымінавічаў. Па складзе гліны яна падобная да іншай гатычнай цэглы. Але на раскопках у Гродне такая сустракаецца ўпершыню».
Цікава, што на знойдзенай цэгле герб «Калюмны» ўнізе мае цікавы працяг у выглядзе хвосціка, які раней не сустракаўся. Гэты дадатак збліжае «Калюмны» з трызубцам Рурыкавічаў.
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…
Гродна і азербайджанскі горад Габала сталі гарадамі-пабрацімамі. Дамоўленасць пра гэта павінна вывесці супрацоўніцтва на новы…
Гарадскі выпускны ў Гродне ўпершыню пройдзе 14 чэрвеня. Месцам святкавання выбралі Савецкую плошчу. Падчас свята…
У Слоніме памёр 26-гадовы працоўны, які пацярпеў пры пажары дарожна-разметачнай машыны. Яго адзенне загарэлася ад…