Жыхары Путрышак раніцай 4 ліпеня сустрэліся са старшынёй аблвыканкама Уладзімірам Краўцовым. Іх хвалюе пашырэнне могілак «Аульс» у бок населенага пункта. На сустрэчы дэталёва разгледзелі не толькі гэтае пытанне, але і іншыя, што тычацца Путрышак.
У пачатку чэрвеня ля Путрышак пачалі высякаць дубраву, каб пашырыць гродзенскія могілкі «Аульс» у бок аграгарадка. Гэта ўсхвалявала мясцовых жыхароў: яны не хочуць, каб пахаванні адбываліся літаральна за іх плотам. Кіраўнік вобласці паабяцаў знайсці іншае месца пад пахаванні. У бліжэйшы час будзе разглядацца пытанне пашырэння могілак у іншы бок.
«Дыялог жыхароў Путрышак і кіраўніцтва прайшоў вельмі карэктна і прадуктыўна, — распавядае экалагічны актывіст Яўген Філімонаў. — На сустрэчы жыхары Путрышак таксама паднялі тэму адсутнасці вадаправода і высокіх цэн на прадукты ў аграгарадку. Па ўсіх пытаннях кіраўнікі абяцалі разабрацца і даць пісьмовыя адказы».Таксама на сустрэчы была паднятая тэма выкарыстання на могілках штучных кветак, будаўніцтва крэматорыя і калумбарыя. Старшыня гродзенскага гарвыканкама Мечыслаў Гой прапанаваў правесці грамадскае апытанне: ці неабходна будаваць такія дарагія аб’екты ў Гродне.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…