Гродзенскім слухачам прадставяць цыкл песень «Вянок», напісаны Уладзімірам Мулявіным да 100-годдзя Максіма Багдановіча. Дабрачынны канцэрт прысвячаецца 10-гадоваму юбілею Гродзенскага дзіцячага хоспіса. Сродкі ад продажу квіткоў пойдуць для падтрымкі 87 сем’яў з цяжка і безнадзейна хворымі дзецьмі, якія знаходзяцца пад апекай дзіцячага хоспіса.
Прэм’ера «Вянка» прайшла на гастролях «Песняроў» у ЗША. У Беларусі праграма была ўпершыню выканана 9 снежня 1991 года, у дзень нараджэння паэта. Больш ніколі «Вянок» не выконваўся цалкам. Нотны матэрыял праграмы не захаваўся.
Аднавіць музычны «Вянок» і вярнуць яго гледачам удалося дзякуючы аматарскаму запісу адной з рэпетыцый. Яе зрабіў прыхільнік ансамбля Уладзімір Паздняк з Масквы. Некалькі гадоў таму магнітафонная стужка была адлічбаваная і перададзена аркестру імя Жыновіча. Аранжыроўшчык аркестра Аляксандр Крамко зрабіў для песень цыклу новыя апрацоўкі. У Мінску праграма адроджанага «Вянка» ідзе са снежня 2017 года.
«Зорка Венера», «Вераніка», «Лявонiха», «Пагоня», «Слуцкія ткачыхі» — усе 15 песень Уладзіміра Мулявіна на вершы Максіма Багдановіча зараз прагучаць і на радзіме паэта ў Гродне.
У праграме будуць удзельнічаць экс-саліст гуртоў «Лявоны» і «Песняры» Ян Жэнчак, салісты групы «Спадчына» Вячаслаў Ісачанка (вакал), Андрэй Шчыткавец (бас-гітара) і Сяргей Шкурдзэ (ударныя), саліст Нацыянальнага акадэмічнага народнага аркестра Беларусі імя. І. Жыновіча Андрэй Коласаў, вакальны гурт «Дыямант» у складзе Наталлі Шасцярэнь, Таццяны Лаўрэнцьевай і Уладзіслава Данілавіча.
Дабрачынны канцэрт пройдзе ў зале Каледжа мастацтваў, па адрасе БЛК, 33. Пачатак праграмы ў 19.00. Кожны глядач атрымае падарунак, зроблены рукамі дзяцей, бацькоў і валанцёраў хоспіса.
Білеты можна набыць на kvitki.by, а таксама ў касе Філармоніі
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…