4 сакавіка гродзенка рабіла пакупкі ў краме «Еўраопт» па вул. Ліможа, 30. Пасля шопінгу жанчына пакінула пакет з асабістымі рэчамі ў камеры захоўвання, пры гэтым, ключ знаходзіўся ў замку, паведамляе міліцыя.

Праз некаторы час да камеры захоўвання падышоў невядомы, які выявіў пакінутыя рэчы, а затым прыхапіў іх з сабой. Пры гэтым на камеры відэаназірання можна разгледзець, як мужчына забірае чужыя рэчы, пасля чаго сыходзіць. Літаральна праз пару хвілін ён вярнуўся назад, так як пакінуў у іншай камеры захоўвання свае рэчы.

На дадзены момант супрацоўнікі Ленінскага РАУС горада Гродна ўсталёўваюць асобу падазраванага.
Шукаюць гродзенца, які скраў у краме рэчы з камеры захоўвання
Калі вы пазналі чалавека на фота і відэа, паведаміце аб гэтым па тэлефонах: + 375−29−885−32−18 (МТС), альбо па нумары 8- (0152) -79−68−08