Учора ўвечары ў Лідзе пасля трэніроўкі памёр дзесяцікласнік-спартовец: яму стала дрэнна, у работнікаў «хуткай» выратаваць хлопца не атрымалася, піша onliner.by са спасылкай на Міністэрства спорту і турызму. Па факце смерці школьніка вядзецца следства.
«У Лідзе, у філіяле ўстановы адукацыі „Гродзенскае дзяржаўнае вучылішча алімпійскага рэзерву“, адбылася трагедыя: памёр навучэнец 10-га класа аддзялення цяжкай атлетыкі. Па наяўнай на дадзены момант інфармацыі, Андрэю стала дрэнна пасля планавай трэніроўкі. Была аператыўна выклікана хуткая дапамога, аднак, нягледзячы на прынятыя лекарамі меры, выратаваць хлопца не атрымалася. Па факце смерці Андрэя Дараховіча праводзяцца следчыя мерапрыемствы. Міністэрства спорту і турызму Рэспублікі Беларусь прыносіць глыбокае спачуванне родным і блізкім загінулага ў сувязі з іх цяжкай стратай», — паведамляецца на сайте Міністэрства спорту і турызму.
— Мы з ім сябравалі: добры хлопец, цяжкаатлет, — распавёў яго аднакласнік Руслан. — На здароўе ніколі не скардзіўся, вынікі добрыя паказваў.
— Андрэй быў добрым хлопцам, — распавяла класная кіраўніца хлопца Таццяна Іванаўна. — Учора пасля трэніроўкі ў яго спынілася сэрца. Гэта пакуль усё, што я магу вам сказаць.
Лідскім раённым аддзелам Следчага камітэта вядзецца дасудовая вытворчасць па факце смерці 16-гадовага навучэнца Лідскага філіяла Гродзенскага дзяржаўнага вучылішча алімпійскага рэзерву.
«Паведамленне аб яго смерці ў распранальні спартыўнай залы ў г. Ліда паступіла ад работнікаў хуткай медыцынскай дапамогі 1 красавіка ў 20 гадзін 15 хвілін. У мэтах выяўлення абставінаў смерці следчыя агледзелі месца здарэння, апыталі навучэнцаў, у т. л. відавочцаў. Канфіскаваная для вывучэння ўліковая дакументацыя вучэбна-выкладчыцкай працы. Для выяўлення прычыны смерці прызначана судова-медыцынская экспертыза. Правяраецца версія аб прычынна-следчай сувязі паміж гібеллю непаўналетняга і канфлікце, які меў месца раней і ўзнік пасля заканчэння трэніроўкі», — сообщает Следственный комитет.
Паводле інфармацыі Onliner, у дзесяцікласніка пасля трэніроўкі здарыўся канфлікт з хлопцам, які таксама займаецца цяжкай атлетыкай. Яны пабіліся.
Сезон працы гарадскіх фантанаў у Гродне адкрыюць 30 красавіка. З 20:00 у парку Жылібера запланавана…
Пра тое, за што Вольга Бондарава судзілася з гродзенскім сайтам Grodno.in, яна напісала сама. Прычынай…
Электразваршчык аднаго з прадпрыемстваў Дзятлаўскага раёна будаваў кароўнік без сродкаў абароны - фірма не ўкладвалася…
Гродзенцы патрабуюць ад чыноўнікаў растлумачыць, куды знік памятны знак, прысвечаны побыту ў Гродне нацыянальнага героя…
Таварыства з абмежаванай адказнасцю "Гроднаін", уладальнік партала Grodno.in, падало іск аб абароне дзелавой рэпутацыі да…
Каб атрымаць карту паляка, некаторыя грамадзяне Беларусі звяртаюцца ў суд. Там яны просяць памяняць нацыянальнасць…