Другая кропка гродзенскага кафэ «GoGo Pizza» з’явіцца ў гэтым годзе ў ГЦ «Kazzarma Mall», які будуюць на Шчорса, 11а. Новая ўстанова будзе максімальна «празрыстай» для наведвальнікаў, піша vgr.by.
Будучае кафэ размесціцца на першым паверсе гандлёвага цэнтра, а яго плошча складзе каля 100 «квадратаў». Патрапіць унутр рэстаранчыка можна будзе як з вуліцы, так і знутры «Kazzarma Mall».
Як распавёў дырэктар «GoGo Pizza» Андрэй Велента, фішкай новай установы стане «празрыстасць» для кліентаў. Дамагчыся гэтага маюць намер з дапамогай адкрытай кухні - працэс гатоўкі ў якой будзе праходзіць на вачах наведвальнікаў:
— Сёння піцэрыі з такой канцэпцыяй — сусветны трэнд. Усе папулярныя брэнды даўно імкнуцца быць максімальна празрыстымі для гасцей. Вось і нашы кліенты змогуць ледзь не за руку вітацца з піцамэйкерам. Мы аддаём сабе справаздача ў гэтым, усе нашы супрацоўнікі будуць разумець адказнасць такога стылю. Мы пойдзем далей і будзем гатаваць у адкрытую яшчэ і бліны — другі па папулярнасці прадукт у нашай піцэрыі, — адзначыў Велента.
Сюрпрызам для наведвальнікаў стане незвычайнае афармленне інтэр'еру піцэрыі - дызайн і нестандартныя матэрыялы, якія могуць выклікаць здзіўленне, растлумачыў дырэктар кафэ.
Таксама з’явіцца барная стойка — яна будзе сумешчана з зонай гатавання піцы. У адрозненне ад кропкі на Карла Маркса, якая працуе па прынцыпе самаабслугоўвання, у новай піцэрыі заказы будуць прыносіць да столікаў. Будзе працаваць адна каса. Чакаецца, што ўстанова не будзе працаваць на дастаўку, але пры гэтым для жыхароў мікрараёна па вуліцах Шчорса і Пралетарская заказы будуць дастаўляць бясплатна.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…