У 4-м туры чэмпіянату Беларусі «Нёман» у Гродне 19 красавіка абыграў «Віцебск» з лікам 1:0. Адзіны мяч у матчы забіў кыргызскі легіянер гродзенцаў Гулжыгіт Алыкулаў.
Пры сваіх трыбунах на працягу ўсёй сустрэчы «Нёман» добра гуляў, адпрацоўваў у абароне і меў мноства момантаў наперадзе. Але вось рэалізаваць гродзенцы здолелі толькі адзін з іх, дзякуючы кыргызскаму легіянеру Алыкулаву. У другім тайме пасля выхаду на поле гульцу спатрэбілася ўсяго 5 хвілін, каб забіць гол. На 73-й хвіліне з другой спробы ён адправіў мяч у далёкі кут варот «Віцебска».
Галоўны трэнер «Нёмана» Ігар Кавалевіч пасля матчу:
— Добры якасны матч мы правялі. Шмат было выказана крытыкі ў наш адрас пасля двух гульняў з Салігорскам і «Іслаччу». Часам абгрунтаванай, часам не вельмі. У нас у камандзе ўсё добра. Сабакам шалудзівым, якія паднялі свае твары, я б хацеў перадаць прывітанне, у нас у камандзе ўсё добра. Не трэба нашы гульні разбіраць у дзіцячай спартыўнай школе. Дырэктару трэба займацца сваёй працай (спартыўную школу ўзначальвае Сяргей Саладоўнікаў - заўв. Pressball.by). Не трэба каманду «Нёман» разбіраць. Каму трэба, можаце падысці і я разбяру гульню. Вядома, хлопцы малайцы. Мы гулялі з вельмі добрым супернікам. «Віцебск» правёў тры гульні і недабраў сваіх ачкоў, правёўшы добрыя матчы. Мы адчувалі напружанне, хлопцы адчувалі адказнасць і мы згулялі сёння добры матч.
Пасля перамогі над «Віцебскам» гродзенская каманда ў турнірнай табліцы паднялася на 6-е месца і мае ў сваім актыве шэсць ачкоў.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…