У канцы чэрвеня ў Гродне стартаваў «цацачны флэшмоб»: гараджане выстаўляюць свае цацкі каля смеццевых кантэйнераў з заклікамі не выкідваць з дому хатніх жывёл. Валанцёры паведамляюць, што ўжо больш за 300 чалавек далучыліся да акцыі ў Гродне, а таксама ў іншых гарадах Беларусі.
«Для многіх людзей купля хатняй жывёлы гэта тое ж самае, што купля цацкі, — кажа старшыня зоаабарончай арганізацыі „Адданае сэрца“ Алена Шыманіца. — Аднак, найграўшыся, яны выкідваюць котку або сабаку як непатрэбную цацку на вуліцу ці аддаюць на усыпленне. Увядзенне адміністрацыйнага пакарання за кінутую жывёлу дапаможа вырашыць праблему».
Многія пакінутыя гаспадарамі коткі і сабакі гінуць на вуліцы або іх вылоўліваюць і ўсыпляюць. За 2018 год толькі ў Гродне «Спецаўтагаспадарка» ўсыпіла больш за 4000 катоў і сабак.
Удзельнікі флэшмобу заклікаюць не толькі ставіцца адказна да выбару жывёлы, але і ўзяць сабе котку ці сабаку ў пункце часовага ўтрымання. Так можна выратаваць жывёле жыццё.
Праўладная актывістка Вольга Бондарава ў сваім допісе назвала нявестку Аляксандра Лукашэнкі “змагаркай”. Але пазней адрэдагавала…
Загадчыца аднаго з інтэрнатаў у Гродне не ўсачыла за тым, каб паддоны электраплітаў на кухні…
За чатыры гады колькасць пасажыраў гродзенскага аэрапорта знізілася за 99% – з 10 000 да…
Рабочага Белспажыўтаварыства збілі двое ДАІшнікаў - у іх аўтамабілі і кабінеце РАУС. Пра гэта ён…
У пяцёрцы самых прыбытковых вакансій – дырэктар, кіраўнікі зменаў і аддзелаў, а таксама маркетолаг. Hrodna.life…
На «Гродна Азот» і прадпрыемствах, у якіх ён выступае заснавальнікам, супрацоўнікам забароняць карыстацца смартфонамі і…