З 1 кастрычніка мінімальная рознічная цана за цукар будзе 1,5 рубля за кілаграм. На цукар ва ўпакоўках па 20 гр і меней рашэнне не распаўсюджваецца. Адпаведную пастанову выдала Міністэрства антыманапольнага рэгулявання і гандлю. Дзеянне дакумента разлічанае на 90 дзён.
Падобныя абмежаванні з’яўляліся летась, калі на беларускі рынак прыйшоў танны расійскі цукар і айчынныя вытворцы мелі праблему са збытам сваёй прадукцыі. Абмежаванні ўводзіліся ў студзені 2018 года і здымаліся ў снежні. Цяпер МАРГ робіць аналагічныя захады, піша euroradio.fm.
На сёння беларускі цукар каштуе ў сярэднім каля 1,5 рубля за кілаграм, а расійскі — на 20−30 капеек танней. Калі ж у некаторых гандлёвых сетках ладзяць акцыі са зніжкамі, то расійскі цукар можа каштаваць і меней за 1,2 рубля. Сёлета ў Расіі рэкордныя запасы цукру і прапанова значна перавышае попыт, таму тамтэйшыя вытворцы зніжаюць свае цэны.
З 29 верасня ў Беларусі рознічныя кошты на дызельнае паліва і аўтамабільны бензін павялічацца на 1 капейку, паведамілі ў «Белнафтахім». Кошт1 літра бензіну АІ-92-К5-Еўра складзе 1 рубель 58 капеек, АІ-95-К5-Еўра — 1 рубель 68 капеек, АІ-98-К5-Еўра — 1 рубель 90 капеек, ДТ — 1 рубель 68 капеек.
— За верасень 2019 года сярэдняя каціроўка нафты па ацэнцы склала 63 даляра ЗША за барэль і павялічылася да жніўня бягучага года на 6,6%. З улікам росту катыровак нафты і змены курсу нацыянальнай валюты для беларускіх НПЗ цана нафты вырасла на 7%, — патлумачылі ў «Белнафтахіме».
Будынак запраўкі “Газпрамнафты”, а таксама матэль і кафэ ля самай беларуска-літоўскай мяжы прадаюць з аўкцыёну.…
"Каманду Латушкі і Рух "За Свабоду" 8 траўня прызналі экстрэмісцкім фармаваннем. У ліку адказных за…
Праўладная актывістка Вольга Бондарава ў сваім допісе назвала нявестку Аляксандра Лукашэнкі “змагаркай”. Але пазней адрэдагавала…
Загадчыца аднаго з інтэрнатаў у Гродне не ўсачыла за тым, каб паддоны электраплітаў на кухні…
За чатыры гады колькасць пасажыраў гродзенскага аэрапорта знізілася за 99% – з 10 000 да…
Рабочага Белспажыўтаварыства збілі двое ДАІшнікаў - у іх аўтамабілі і кабінеце РАУС. Пра гэта ён…