Гродзенскі «Нёман» не змог на сваім стадыёне ўвечары 5 кастрычніка абыграць брэсцкае «Дынама». У чарговы раз перамога ў «Заходнім дэрбі» засталася за паўднёўцамі.
Для «Нёмана» гульня ў Гродна супраць «Дынама» з’яўлялася самай важнай у сезоне, ды і каманда Кавалевіча разлічвала ўзяць рэванш за разгром у Брэсце, які адбыўся ў першым крузе чэмпіянату. У «Дынама» на матч у Гродне таксама былі свае планы, берасцейцам нельга было губляць ачкі, калі яны хацелі і далей застацца на вяршыні турнірнай табліцы з 5 ачковым атрывам ад БАТЭ.
У выніку «Заходняе дэрбі» завяршылася цяжкай перамогай «Дынама» з лікам 1:0. На 80-й хвіліне адзіны гол у матчы забіў гродзенец Павел Савіцкі. «Нёман» яшчэ раней меў шанец выйсці наперад, але на 51-й хвіліне гаспадары ўпусцілі сваю магчымасць. Гулжыгіт Алыкулаў не рэалізаваў пенальці.
«Нёман» — «Дынама-Брэст» — 0:1
Галоўны трэнер «Нёмана» Ігар Кавалевіч адзначыў, што яго каманду папракнуць няма ў чым.
— Добры матч быў, не заслугоўвалі мы паразы, але маем тое, што маем. Якасную, вельмі добрую гульню мы паказалі, але, на жаль, не рэалізавалі тыя моманты, якія ў нас былі. Індывідуальнае майстэрства футбалістаў Брэста ў завяршальнай стадыі аказалася вырашальным. Мы прайгралі, але каманду папракнуць няма ў чым. Мы прыклалі ўсе сілы. Добрая гульня і параза — трошкі розныя рэчы.
Касцёл святога айца Піа плануюць пабудаваць у Гродне ў новым мікрараёне Грандзічы на рагу вуліц…
Вытворчы кааператыў імя Крамко з 10 студзеня па 29 лютага прадаваў гародніну і садавіну —…
Жыхарка Астраўца паслізнулася на прыступках крамы "Хіт! Экспрэс". У яе знайшлі расцяжэнне, разрыў і перанапружанне…
Гродзенскі гарвыканкам адказаў гараджанам, якія збіралі подпісы за ўстаноўку помніка Васілю Быкаву ў Гродне. Адказ…
З пачатку 2024 года 23 гродзенцам выдалі субсідыю на адкрыццё прадпрымальніцкай дзейнасці. Часцей за ўсё…
Колькасць укусаў кляшчоў сёлета павялічылася на 24% у параўнанні з аналагічным перыядам 2023 года. Паразітаў…