Адразу 24 мастацкіх працы ў стылі супрэматызму папоўнілі прыватную калекцыю Амрана Матара. Напярэдадні калядаў, 24 снежня, ён набыў палотны, што стварылі дзеці з інваліднасцю для выставы «Супрэматызм. Мастацтва. Права на працу». Ён зладзіў пакупку ў гонар уласнай дачкі, якая нарадзілася 24 чысла.
«Я бацька. У мяне ёсць дачка Дуня. Гэта слова азначае „сусвет“. Я кожны дзень адчуваю ўдзячнасць да сусвету, што яна ў мяне ёсць. Лічу, нам вельмі пашанцавала, што яна здаровая. Не ўсе дзеці маюць такую перавагу. Бацькоўства і мацярынства, на маю думку, - гэта адказнасць не толькі за ўласных дзяцей. Але мы можам скіраваць любоў і падтрымку не толькі сваім дзецям. Мы можам дапамагчы тым, каму зараз гэта найбольш патрэбна».Меркаваннем Амрана Матара, не ўсе дарослыя гатовы так жыць. Тым большай падтрымкі вартая ініцыятыва: «Супрацоўнікі хоспіса і яго дырэктарка Вольга Вялічка, дызайнерка Ірына Варкулевіч, валанцёры і бацькі дзяцей з інваліднасцю — сапраўдныя героі», — кажа ён. — Купіць гэтыя працы для мяне — магчымасць зрабіць іх жыццё больш пазітыўным".
Амран распавёў супрацоўнікам дзіцячага хоспіса, што пабачыў анонс выставы на Hrodna.life і зацікавіўся мерапрыемствам. Далей, на думку кіраўнічкі хоспіса, спрацаваў агульны прафесійны падыход супрацоўнікаў выставачнай залі і яе кіраўнічкі Ірыны Сільвановіч, а таксама «прафесіянала з вялікім сэрцам», дызайнеркі Ірыны Варкулевіч.
«Паасобку гэта не працуе. Дзякуючы агульным намаганням знайшоўся чулы незнаёмец, каторы набыў адразу ўсе працы. Аб’яднаўшы намаганні мы можам больш. Так і з’яўляюцца праекты, якіх раней ніхто не рабіў, і якія робяцца лепшымі прыкладамі ў краіне».
Амран Матар родам з Аўстраліі, дзе і зараз жывуць яго бацькі, два браты і дзве сястры. Частку працаў ён мяркуе падарыць блізкім, частку пакінуць ва ўласнай калекцыі.
Фірму-уладальніка крамы "АвтоЗапчасти" ў Гродне, ТАА "Рукша", зноў хочуць збанкруціць. Банкруцтва хочуць прызнаць праз эканамічны…
Два новенькія электрычныя пікапы Tesla Cybertruck 2023 года выпуску затрымалі літоўскія мытнікі 7 мая ў…
Будынак запраўкі “Газпрамнафты”, а таксама матэль і кафэ ля самай беларуска-літоўскай мяжы прадаюць з аўкцыёну.…
"Каманду Латушкі і Рух "За Свабоду" 8 траўня прызналі экстрэмісцкім фармаваннем. У ліку адказных за…
Праўладная актывістка Вольга Бондарава ў сваім допісе назвала нявестку Аляксандра Лукашэнкі “змагаркай”. Але пазней адрэдагавала…
Загадчыца аднаго з інтэрнатаў у Гродне не ўсачыла за тым, каб паддоны электраплітаў на кухні…