Актывісты ў судзе заклеілі сабе рот і праспявалі гімн БНР

24 студзеня ў Гродзенскім абласным судзе адбылося апошняе судовае паседжанне па скаргам актывістаў на рашэнні судоў раёнаў горада. Рашэнне суда Ленінскага раёна Гродна абскарджваў Сяргей Верамеенка, якому прысудзілі штраф у 30 базавых велічынь за акцыю за незалежнасць Беларусі.

Напачатку Сяргей папрасіў дазволу весці прамую відэатрансляцыю. Суддзя Мікалай Рачынскі яе забараніў. Тады Сяргей заявіў адвод суддзі. Мікалай Рачынскі не задаволіў адвод.

Падчас перапынку актывісты Мікалай Салянік і Валерый Куляеў, якія прыйшлі падтрымаць Верамеенку, у знак пратэсту заклеілі сабе раты скотчам.

Фота: harodniaspring.org
Фота: harodniaspring.org
Фота: harodniaspring.org

Чытайце таксама: Суд у Гродне: У знак пратэсту актывіст прыкаваў сябе ланцугом. Прыйшлося выклікаць МНС, хуткую і АМАП

Мікалай Салянік заплаціць штраф за непавагу да суда


Суддзя зачытаў скаргу. Як і іншых актывістаў, Сяргея асудзілі па арт.23.34 КоАП — Парушэнне парадку арганізацыі або правядзення масавых мерапрыемстваў. Яго вінавацілі ў тым, што 15 снежня ён знаходзіўся на акцыі за незалежнасць Беларусі і публічна выказваў свае адносіны да інтэграцыі Беларусі і Расіі.

Сяргей настойваў, што дзейнічаў у межах арт.57 Канстытуцыі, і бараніць незалежнасць краіны — яго святы абавязак. У выніку суддзя пакінуў рашэнне суда Ленінскага раёна без зменаў. Падчас абвяшчэння выніку актывісты пачалі спяваць «Мы выйдзем шчыльнымі радамі» і выгукнулі «Жыве Беларусь!».

Гродзенскі абласны суд не задаволіў скаргі пяцёх актывістаў, якіх асудзілі за акцыю супраць інтэграцыі Беларусі і Расіі: Ежы Грыгенчы, Уладзіміра Арцымана, Мікалая Саляніка, Вадзіма Саранчукова і Сяргея Верамеенкі. Яны будуць звяртацца ў Камітэт па правах чалавека. Таксама актывісты плануюць напісаць заявы ў следчы камітэт і пракуратуру, каб яны праверылі працу суддзяў.

Фота: facebook.com/s.n.veremeenko


Чытайце таксама: Штрафы ад 10 да 30 базавых. Гродзенскіх актывістаў судзілі за акцыю супраць інтэграцыі з Расіяй

Организатору акции против интеграции дали штраф 45 базовых. В знак протеста он порвал Конституцию


На платформе molamola.by арганізавалі збор сродкаў у падтрымку актывістаў. У планах кампаніі - сабраць 3400 BYN. Таксама грошы можна пакінуць у краме «Адметнасць» на Кірава, 3. На дадзены момант 41 чалавек падтрымаў актывістаў на 880 рублёў.

Падзяліцца

Апошнія запісы

Прарэктара з Гродна аштрафавалі за прусакоў у інтэрнаце

На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…

16 мая 2024

У Гродна новы горад-пабрацім. Чым ён вядомы?

Гродна і азербайджанскі горад Габала сталі гарадамі-пабрацімамі. Дамоўленасць пра гэта павінна вывесці супрацоўніцтва на новы…

16 мая 2024

У Гродне ўпершыню пройдзе гарадскі выпускны: калі і дзе?

Гарадскі выпускны ў Гродне ўпершыню пройдзе 14 чэрвеня. Месцам святкавання выбралі Савецкую плошчу. Падчас свята…

16 мая 2024

У Слоніме загарэўся разметачны аўтамабіль дарожнікаў - працоўны загінуў

У Слоніме памёр 26-гадовы працоўны, які пацярпеў пры пажары дарожна-разметачнай машыны. Яго адзенне загарэлася ад…

16 мая 2024

Дыджэй з Гродна выступіць на дабрачынным фэсце ў Варшаве — каб дапамагчы дзецям палітвязняў

Дыджэй з Гродна Schmoltz выступіць на дабрачынным фестывалі Belarus Outside Sound System. Там будуць збіраць…

16 мая 2024

Нерухомасць тыдня: кампактная двухпакаёўка з відэапраектарам ля «Баторыі»

Двухпакаёвая кватэра па вул. Стэфана Баторыя, 10 прадаецца ў Гродне. Фішка кватэры - відэапраектар з…

15 мая 2024