Госконтроль праверыў, як на Гродзеншчыне ішла рэалізацыя Дзяржаўнай інвестыцыйнай праграмы і наколькі эфектыўна выкарыстоўваліся бюджэтныя сродкі, накіраваныя на будаўніцтва аб’ектаў. У правяральнікаў паўсталі пытанні, паведамляе grodnoplustv.by.
Фактычная працягласць будаўніцтва асобных аб’ектаў перавышае нарматыўны тэрмін амаль удвая. Найбольшая колькасць парушэнняў выяўлена на будаўніцтве ў Астраўцы. У горадзе АЭС не ўведзеныя своечасова адразу некалькі аб’ектаў. Ёсць пытанні і да якасці будаўнічых работ у будынку Астравецкай бальніцы.
Парушэнні за 2018 год былі выяўлены ў Гродне ў ходзе рэканструкцыі Старога замка.
— На рэканструкцыі нашага замку быў прыцягнуты іншы субпадрадчык, не гродзенскі. Паўсталі пытанні па ўмацаванні сцены, — распавёў Мікалай Куц, галоўны спецыяліст Камітэта дзяржаўнага кантролю Гродзенскай вобласці. — Сёння, наколькі я ведаю, судовыя цяжбы працягваюцца, але вынік відавочны: субпадрадчык выканаў работы вельмі няправільна, без адпаведнасці праектным патрабаванням, параметраў і вымушаны будзе вярнуць грошы. Сума больш за дзвесце тысяч рублёў.
Стары замак у Гродне аднаўляюць паводле праекта архітэктара Уладзіміра Бачкова. Мяркуецца, што абарончае збудаванне павінна ў выніку атрымацца такім, якім яно было ў часы жыцця Стэфана Баторыя. Аднак рэканструкцыя замка з самага пачатку выклікала шмат спрэчак у навуковых колах — яе нават называлі «адкрытай фальсіфікацыяй помніка», піша t*t.by. Рэканструкцыяй зацікавіліся ў свой час у польскім сойме. Намеснік старшыні Камісіі па замежных справах сейма Рэспублікі Польшча Роберт Тышкевіч накіраваў ліст міністру культуры і нацыянальнай спадчыны краіны Пятру Глінскаму. Амбасадар быў занепакоены лёсам Старога замка ў Гродне і тымі працамі, якія вяліся на гістарычным аб’екце. Зараз запускаецца другая чарга рэканструкцыі Старога замка.
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…