У Гродне 12 лютага адкрыецца найбуйнейшы гандлёва-забаўляльны цэнтр Беларусі TRINITI. У гэты ж дзень у ім адкрыецца першы ў горадзе рэстаран хуткага харчавання KFC.
На адкрыцці для першых наведвальнікаў абяцаюць асаблівыя сюрпрызы і акцыі, але што менавіта гэта будзе — пакуль не вядома.
www.instagram.com/p/B8Juwn2HJyc/?utm_source=ig_embed
Пачаткова планавалася, што KFC адкрыецца ў Triniti яшчэ ў канцы 2018 года, але тэрміны здачы першай лініі гандлёва-забаўляльнага цэнтра пераносіліся.
Пра прыход сеткі ў Гродна казаў яшчэ ў 2017 годзе генеральны дырэктар «БелФудСервіс» (фірма кіруе франшызай KFC у Беларусі) Сяргей Дуцін:
«Гродна — выдатны горад, але там няма маштабных гандлёвых цэнтраў, дзе мы маглі б адкрыць рэстаран. Тым не менш, зараз у Гродне ідзе актыўнае будаўніцтва цэнтраў, якія могуць цалкам адпавядаць нашым крытэрам. Да таго ж у Гродне ёсць шмат вакантных зямельных участкаў, ды і шчыльнасць забудовы там значна ніжэй, чым у Мінску».
Цяпер KFC дачакаўся з’яўлення адпаведнага ТРЦ і адкрываецца ў Гродне.
