Масавых гулянняў і парада 9 траўня не будзе. А вось салют запусцяць у 23.00 над цэнтральнай часткай горада. Пра святкаванне Дня Перамогі ў Гродне распавёў тэлеграм-канал Гродна Плюс.
Таксама перад 9 траўня добраўпарадкуюць помнікі, мемарыялы і пахаванні. Да іх ўскладуць кветкі. У Гродне запусцілі чэлендж «Галасы Перамогі». Жыхарам прапануюць праспяваць фрагмент песні «Дзень Перамогі» і перадаць інтэрнэт-эстафету далей.
Да ветэранаў напярэдадні свята прыедзе пад дом ваенны аркестр, каб павіншаваць з Днём Перамогі.
А што ў Беларусі?
Парад у гонар 75-годдзя Перамогі хутчэй за ўсё не адменяць. Аляксандр Лукашэнка, выступаючы на нарадзе па эпідэміялагічнай сітуацыі 3 траўня, патлумачыў, чаму ён не можа яго адмяніць.
— Павінен сказаць, што мы не можам адмяніць парад. Проста не можам. Я доўга над гэтым думаў, — цытуе прэзідэнта belta.by.
Лукашэнка адзначыў, што ўдзельнікі вайны «паміралі, можа быць, і ад вірусаў, іншых хвароб, але яны гэта не адчувалі часам». «Паміралі яны дзеля нас, як бы гэта пафасна ні гучала», — сказаў ён.
— І падумайце, што скажуць людзі. Можа, не адразу, праз дзень, праз два пасля гэтага, — скажуць, што спалохаліся, — заявіў кіраўнік дзяржавы.
Лукашенко: Мы не можем отменить парад… Люди скажут, что мы испугались
Раней Сусветная арганізацыя здароўя апублікавала рэзюмэ па выніках місіі ў Беларусі. Спецыялісты адзначылі, што наша краіна ўступіла ў новы этап эвалюцыі пандэміі COVID-19 з перадачай інфекцыі сярод насельніцтва. Сярод галоўных рэкамендацый — перанос ўсіх масавых збораў людзей, уключна са спартыўнымі, культурнымі, палітычнымі і рэлігійнымі мерапрыемствамі.
Паводле афіцыйных звестак Міністэрства аховы здароўя, па стане на 11 лютага ў Беларусі пацверджана 263 551 выпадак каранавіруса (1692 за апошнія суткі), ачунялі і выпісаны 252 068 (1990 за апошнія суткі) пацыентаў, памёрлі 1820 чалавек (9 за апошнія суткі).
Паводле афіцыйных звестак Міністэрства аховы здароўя, па стане на 11 лютага ў Беларусі пацверджана 263 551 выпадак каранавіруса (1692 за апошнія суткі), ачунялі і выпісаны 252 068 (1990 за апошнія суткі) пацыентаў, памёрлі 1820 чалавек (9 за апошнія суткі).
