Кіраўнік фрык-тэатра «Гексаген» рэжысёр Васіль Калач быў затрыманы 8 траўня каля свайго дома на вуліцы Белыя Росы ў Гродне. Прычына — удзел у сустрэчы 26 красавіка, якую арганізаваў у парку Жылібера аўтар блога «Страна для жизни» Сяргей Ціханоўскі.
Жонка рэжысёра Таццяна Калач паведаміла ў рэдакцыю Hrodna.life аб магчымым затрыманні яшчэ раніцай. Іншых здагадак, што магло здарыцца з Васілём, у яе не было.
«Вася з раніцы пайшоў на працу прыкладна ў 8.00. Ён павінен быў дапамагчы брату на рынку і не дайшоў. Машына стаіць прыпаркаваная, тэлефон яго не адказвае, выключаны. Спрабавала тэлефанаваць у міліцыю — нічога не кажуць».
Верагодна, яго затрымалі з-за яго ўдзелу ў стрыме «Страна для жизни».
Васіля Калача забралі ў РАУС Ленінскага раёна на падставе артыкула 23.34 Кодэкса аб адміністрацыйных правапарушэннях («Парушэнне парадку арганізацыі або правядзення масавых мерапрыемстваў»). Праз некалькі гадзін яго асудзілі на 5 сутак арышту.
Вядома і пра іншыя затрыманні ўдзельнікаў сустрэчы ў Гродне.
Увечары 7 траўня міліцыя забрала з кватэры грамадскага актывіста Аляксандра Лаўрэнцьева, піша «Гарадзенская вясна». Яго засудзілі да 7 сутак адміністрацыйнага арышту. Паведаміць, дзе і калі яго будуць судзіць, Лаўрэнцьеву не далі магчымасці.
Аляксандра Лаўрэнцьева судзілі па ўсёй верагоднасці таксама за ўдзел у сустрэчы з блогерам Ціханоўскім. Палечніка Лаўрэнцьева Мікалая Саляніка 8 траўня цэлы дзень пільнуе міліцыя. Мікалай Салянік не выходзіць пакуль з дому.
7 і 8 мая адбыліся затрыманні прыхільнікаў Ціханоўскага па ўсёй краіне: у Гомелі, Магілёве, Гродне, Лідзе.
8 мая фельчару лідскай станцыі хуткай дапамогі Паўлу Палейчыку прысудзілі 7 сутак арышту за ўдзел у несанкцыянаваным масавым мерапрыемстве, піша «Радыё С**бода». Яго затрымалі ўвечары 7 траўня за тое, што ён прымаў удзел у сустрэчы з аўтарам Youtube-канала «Страна для жизни» Сяргеем Ціханоўскім 22 красавіка. Лідчаніну Андрэю Паляковічу за ўдзел у той сустрэчы таксама прысудзілі 7 сутак.
Таксама вядома, што ў Лідзе затрымалі як мінімум двух медыкаў: акрамя Палейчика, яшчэ і Алега Краўцова.
На «Гродна Азот» і прадпрыемствах, у якіх ён выступае заснавальнікам, супрацоўнікам забароняць карыстацца смартфонамі і…
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…