Модульная лабараторыя для бескантактавага забору біяматэрыялаў на каранавірус пачала працаваць у Гродне, піша БелТА.
Запіс на здачу аналізаў вядзецца праз сайт бальніцы. Каб пацыенты не перасякаліся паміж сабой, кожнага запісваюць на пэўны час. Зараз папярэдні запіс вядзецца з 8.10 да 12.20. Па меры росту попыту на даследаванні графік працы будзе зменены.
Модуль, уладкаваны на базе стандартнага марскога кантэйнера, усталявалі ля прахадной Гродзенскай абласной інфекцыйнай клінічнай бальніцы. Аналізы тут на платнай аснове змогуць здаць тыя, хто плануе выехаць за мяжу. Галоўная асаблівасць модуля — адсутнасць прамых кантактаў. Ёсць дзве зоны — пацыента і медработніка. У іх ёсць сістэма вентыляцыі, мікраклімат, пасля кожнага наведвальніка яны апрацоўваюцца дезсродкамі.
Медыка і пацыента падзяляе спецыяльнае шкло, у якое уманціраваны супрацьвірусныя пальчаткі, з дапамогай якіх і праводзіцца забор біяматэрыялу. Затым ён ужо паступае на аналіз праз дэзбар’ер.
«У шасці раёнах вобласці ўжо аднаўляюцца планавыя аперацыі. У Гродне бальніца № 3 цалкам пяройдзе на лячэнне сваіх пацыентаў. Калі станоўчая тэндэнцыя захаваецца, то ў ліпені мы значна скароцім колькасць медустаноў, якія займаюць вірусам», — сказаў старшыня Гродзенскага аблвыканкама Уладзімір Краўцоў.
Чакаецца, што модуль будзе запатрабаваны і далей. Яго магчымасці будуць выкарыстоўвацца пры заборы біяматэрыялу ў выпадку іншых рэспіраторных інфекцый.
Новы лабараторны модуль з’явіўся дзякуючы спонсарскай дапамозе. Гэта сумесная распрацоўка гарадзенскіх медыкаў і ААТ «Тытунёвая фабрыка «Нёман».
Паводле афіцыйных звестак Міністэрства аховы здароўя, па стане на 11 лютага ў Беларусі пацверджана 263 551 выпадак каранавіруса (1692 за апошнія суткі), ачунялі і выпісаны 252 068 (1990 за апошнія суткі) пацыентаў, памёрлі 1820 чалавек (9 за апошнія суткі).
Тры новыя тралейбусы з запасам аўтаномнага ходу да 20 км ужо паступілі ў Аўтобуснае ўпраўленне…
Святкаванне Дня Перамогі ў Гродне пачалі з акцыі "Беларусь памятае" - шэсця з партрэтамі ўдзельнікаў…
Частку ўнутранай паркоўкі гандлёвага цэнтра OldCity аддалі пад арэнду дрыфт-трайкаў. Пакатацца за плату зможа любы ахвочы,…
У пачатку вялікіх выхадных у Беларусі чэргі на мяжы зноў выраслі - на гэты раз…
У Гродне закрываецца "VIP bar" на Дзяржынскага, 8А - не прапрацаваўшы і двух месяцаў. Ён…
Фірму-уладальніка крамы "АвтоЗапчасти" ў Гродне, ТАА "Рукша", зноў хочуць збанкруціць. Банкруцтва хочуць прызнаць праз эканамічны…