Міністэрства інфармацыі адказала на петыцыю, у якой «Грамадзянскі форум» прасіў вынесці папярэджанне газеце «СБ. Беларусь Сегодня» за распальванне варожасці і нянавісці на падставе палітычных поглядаў.
Газета «СБ. Беларусь Сегодня» на старонцы ў Facebook зрабіла рэпост публікацыі Міхаіла Малаша, якога прадставіла як палітычнага аналітыка. Ён выказаўся аб «перспектывах майдану ў Беларусі».
У публікацыі беларусаў, якія жадалі пакінуць подпісы за альтэрнатыўных кандыдатаў на пікетах, назвалі «адмарожанымі шукальнікамі прыгод на дупу». Таксама аўтар разважаў пра разгон законнага працэсу збору подпісаў пры дапамозе «міліцыі і аўтазакаў».
«Грамадзянскі форум» палічыў публікацыю экстрэмісцкай і стварыў петыцыю аб вынясенні папярэджання газеце. За тры сабралі 2358 подпісаў. А таксама накіравалі зварот у Міністэрства інфармацыі Рэспублікі Беларусь.
Паводле Закона аб СМІ, пісьмовае папярэджанне выносіцца юрыдычнай асобе, на якую ўскладзеныя функцыі рэдакцыі сродку масавай інфармацыі, або ўладальніку сеткавага выдання, адказалі ў Мінінфарме.
А акаўнт на Facebook, на якім размешчана Публікацыя, у якасці сеткавага выдання не зарэгістраваны і СМІ не з’яўляецца. Такім чынам, да яго не можа быць прыменена такая мера адказнасці.
Тым не менш, публікацыя накіравана ў Рэспубліканскую экспертную камісію па ацэнцы інфармацыйнай прадукцыі на прадмет наяўнасці ў ёй прыкмет экстрэмізму для правядзення адпаведнай экспертызы.
Публікацыю на дадзены момант не выдалілі.
«Грамадзянскі форум» — рэспубліканская грамадская маладзёжная арганізацыя з дваццацігадовай гісторыяй. «Грамадзянскі форум» праводзіць семінары, канферэнцыі, курсы для сваіх членаў, культурныя і спартыўныя мерапрыемствы, моладзевыя лагеры, трэнінгі і ролевыя гульні. Дзейнасць арганізацыі таксама накіравана на абарону правоў студэнтаў.
За распаўсюд экстрэмісцкіх матэрыялаў у Іўі судзілі пастыра. Верагодна, гаворка ідзе пра Юрыя Гардзея, пастыра…
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…
На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…
Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…