Мікрараён Панямунь пачнуць будаваць у 2022 годзе на ўездзе ў Гродна з боку Мінска. Прынцып планіроўкі новага мікрараёна прадугледжвае схему «двор-квартал». Гэта адасобленыя двары, дзе тэрыторыя закрытага тыпу і пад’езды да дамоў будуць арганізаваны з вонкавага боку, а парковак у дварах не прадугледжваецца. Яны будуць пабудаваныя па перыметры мікрараёна ва ўсходняй частцы, паведамляе grodnonews.by.
У межах мікрараёна прадугледзелі дзіцячы сад з пачатковымі класамі сярэдняй школы, бо ўсе школы размешчаныя на выдаленні.
— Дома сярэдняй паверхавасці, не больш за пяць, — адзначыла Вольга Барэйка, галоўны архітэктар Гродна. — Двары, якія выходзяць на Румлёўскі праспект, узвядуць з дамамі ад пяці, васьмі і асобнымі трыма 13-павярховымі. Усё гэта будзе дапоўнена з боку вуліцы Белуша і Румлёўскага праспекта шэрагам аб’ектаў, патрэбных для жыхароў.
Праект раёна стварыў архітэктар Леанід Сіліч, распавяла Вольга Барэйка. Раён размесціцца на плошчы 24,4 гектара. Насельніцтва будучага мікрараёна — 3160 чалавек. Тэрмін рэалізацыі праекта — 2022−2024 гады, першы этап пачнецца ўжо ў 2022 годзе, пасля завяршэння будаўніцтва суседняга мікрараёна на тэрыторыі былога ваеннага гарадка па вуліцы Лідскай.
Праект дэталёвай планіроўкі новага мікрараёна адпраўляецца на разгляд Дзяржаўнай і экалагічнай экспертыз.
З боку вуліцы Панямуньскай у большай ступені будуць размешчаны парковачныя месцы для мікрараёна, а таксама гандлёва-сэрвісны цэнтр. Тут да новай забудовы прымыкае прамысловая зона. Яе не закрануць.
Падчас грамадскіх абмеркаванняў жыхароў Панямуні цікавіў лёс гаражных кааператываў. Генеральным планам Гродна да 2030 года знос такіх гаражных блокаў не прадугледжаны. Іх не будуць ліквідаваць у сувязі з забудовай новага мікрараёна.
На Румлёўскім праспекце з’явіцца яшчэ адна развязка. Яна запланаваная прама перад Румлёўскім мостам па завяршэнні будаўніцтва мікрараёна на вуліцы Лідскай. Развязка дазволіць гарадскому транспарту без праблем пераязджаць з аднаго новага мікрараёна ў іншы, не ствараючы напружанасці руху транспарту па ажыўленай магістралі.
Праект будучага мікрараёна Панямуні выклікаў найменшыя пярэчанні пры правядзенні грамадскага абмеркавання, хоць пэўная цікавасць да яго была, асабліва ў жыхароў былой вёскі Друцк, якая стала вуліцай пасля пашырэння тэрыторыі горада. Прычын таму некалькі. Невялікі знос жылля, няма непасрэднай блізкасці з існуючай шматпавярховай забудовай мікрараёнаў. Жыхары вуліцы Друцк пасля яе зносу змогуць атрымаць жыллё ў новым жылым комплексе.
Падчас абмеркавання канцэпцыі новай забудовы Панямуні жыхары бліжэйшых раёнаў выказаліся ў карысць захавання алеі дубоў і клёнаў да Нёману. Праекціроўшчыкі гэта прадугледзелі. Алея ідзе з поўначы на поўдзень. У праекце прадугледжана, што яна будзе працягнутая і ўвойдзе ў цэнтр мікрараёна. Тым самым захаваецца імідж Панямуні мінулага стагоддзя. Таксама там запланаваная пешаходная зона з заездам у двары.
В Гродно построят новый микрорайон Понемунь
«Там, где стояли глушилки». Архитекторы показали, что построят в гродненской Понемуни
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…
Гродна і азербайджанскі горад Габала сталі гарадамі-пабрацімамі. Дамоўленасць пра гэта павінна вывесці супрацоўніцтва на новы…
Гарадскі выпускны ў Гродне ўпершыню пройдзе 14 чэрвеня. Месцам святкавання выбралі Савецкую плошчу. Падчас свята…
У Слоніме памёр 26-гадовы працоўны, які пацярпеў пры пажары дарожна-разметачнай машыны. Яго адзенне загарэлася ад…