Па выніках маніторынгу Media IQ у чэрвені 2020 Hrodna.life быў адным з самых прафесійных мясцовых медыя.
У маніторынгу Media IQ ў блоку «Выкананне стандартаў журналістыкі ў навінах» праходзіць маніторынг дзесяці вядомых рэгіянальных выданняў. У маніторынг кожны будні дзень у чэрвені траплялі тры грамадска значныя навіны.
Ацэньвалася захаванне пяці стандартаў: пэўнасць, дакладнасць, аддзяленне меркаванняў ад фактаў, баланс меркаванняў, паўната інфармацыі; таксама фіксавалася прапаганда і маніпуляцыя.
Hrodna.life па выніках маніторынгу атрымаў 4,82 з 5 магчымых балаў. Вынік палепшыўся — у лютым мы атрымалі 4,68 з 5 балаў.
Вынікі палепшыліся таксама ў іншых незалежных рэгіянальных медыяў. Лідарам паводле выканання журналісцкіх стандартаў стала «Рэгіянальная газета».
![Hrodna.life - сярод найлепшых рэгіянальных СМІ Беларусі: наш рэйтынг MediaIQ за апошні квартал вырас](https://dzh7f5h27xx9q.cloudfront.net/wp-content/uploads/2020/08/mediaiq_june2020_standarts_regional_1_2-854x1024.png)
Як адзначылі аўтары маніторынгу, тэма выбараў практычна не паўплывала на колькасць зафіксаваных выпадкаў парушэння стандартаў інфармацыйнай журналістыкі, выкарыстання маніпуляцыі і прапаганды ў дзяржаўных і недзяржаўных СМІ.
Віншуем калег з іншых рэгіянальных рэдакцый з высокай ацэнкай іх працы.
Глядзіце таксама: Які вынік атрымала рэдакцыя Hrodna.life у маніторынгу ў лютым 2020
Для Hrodna.life гэта не першая адзнака за прафесіяналізм і якасць. У лістападзе 2019 года нас назвалі найлепшым рэгіянальным сайтам Беларусі на конкурсе Асацыяцыі выдаўцоў рэгіянальнай прэсы.
Мы і далей будзем цяжка працаваць, каб даваць вам самыя якасныя і цікавыя матэрыялы пра Гродна і гродзенцаў, а таксама пра важныя падзеі ў рэгіёне і свеце.
Калі для вас гэта важна, калі ласка, падтрымайце Hrodna.life фінансава праз платформу Talaka або іншыя платформы.
Каб атрымліваць штодзённа ўсе навіны і артыкулы Hrodna.life на сваю паштовую скрыню, вы можаце падпісацца праз форму ніжэй.