Новости

«Мама, на нас напалі бандыты?» У Гродне ў час акцыі пратэсту пацярпела пяцігадовая дзяўчынка

Увечары 11 жніўня ля цэнтра Гродна праходзіла акцыя пратэсту. У гэты час з аднаго канца горада ў другі ехала сям’я Іны Чарауха разам з пяцігадовай дачкой — так яны патрапілі ў плынь аўтамабіляў, якія сігналілі. У нейкі момант, распавядае Іна, наперадзе іх і яшчэ дзвюх машын з’явілася ваенная тэхніка і супрацоўнікі АМАПу. Праз некалькі хвілін у іх машыне пасыпалася шкло. Калі Іна павярнулася, яе дачка была ў крыві. У дзяўчынкі рассечана скроневая частка, машыну забралі. У акцыі сям’я удзельнічаць не магла: у машыне няспраўны сігнал.

Іне журналісты датэлефанаваліся як раз у той момант, калі яна чакала вынікаў кампутарнай тамаграфіі дачкі. Дзяўчынку клічуць Юля, ёй пяць гадоў. Усю ноч яна разам з маці правяла ў бальніцы. Тату забралі ў праваахоўныя органы — адтуль ён выйшаў толькі раніцай.

— Усё добра, так? Дзякуй богу, — чулі абрывак размовы Іны з лекарам.

Іна кажа блытана, але спакойна. Тым, што ўчора адбылося, яна шакаваная дагэтуль.

Увечары 11 жніўня, распавядае суразмоўніца, яны ўсёй сям’ёй ехалі з Дзевятоўкі ў Альшанку, на іншы канец горада. Цэнтр Гродна быў перакрыты, таму яны вырашылі паехаць па вуліцы Савецкіх памежнікаў. Там, каля кальца, праходзіла акцыя пратэсту аўтамабілістаў: яны гучна сігналілі. Што было далей, Іна не разумее да гэтага часу.

— Наперадзе нас былі Skoda і мікрааўтобус. Мы разгубіліся, калі ўбачылі, як ваенная тэхніка наперадзе пачынае падразаць бус — і той разварочваецца бокам. Муж выехаў на сустрэчную паласу, каб аб’ехаць. Але насустрач нам выбеглі амапаўцы, пачалі біць машыну дубінкамі - лабавую і бакавыя шыбы, люстэркі. Пасля гэтага ззаду ў нас заехала вайсковая тэхніка, быў моцны ўдар.

Калі Іна павярнулася, каб паглядзець, што з дачкой, убачыла, што яна ўжо сцякала крывёю.

Фота пацярпелай дзяўчынкі даслала чытачка T*T.BY

— Я не разумела, адкуль кроў. Усё было як у тумане. Муж адразу хацеў адвезці нас у бальніцу хуткай дапамогі, яна зусім побач, але хутка падбеглі людзі і прапанавалі падвезці. Дачка плакала- яна вельмі спалохалася. У мужа быў рассечаны лоб. Яго адразу спыніла міліцыя, павезла разбірацца, толькі раніцай адпусцілі. Зараз тэлефанаваў следчы, які выклікаў зноў.

Лекар наклаў дзяўчынцы чатыры шва — у яе, кажа Іна, рассяканне правай скроневай часткі прыкладна на два з паловай сантыметры і Удар.

— Атрымаўся такі разрыў, адтуль было шмат крыві. Верагодна, калі паляцелі шкла, адзін з асколкаў трапіў у галаву. У бальніцы дачка спытала: «Мама, На нас напалі бандыты?»

Цяпер, кажа Іна, іх Passat B3 забралі на экспертызу на платную штраф-стаянку.

— Акрамя гэтага, нам, хутчэй за ўсё, дадуць штраф за выезд на сустрэчную паласу і пакіданне месца ДТЗ, калі муж спрабаваў завезці дзіця ў бальніцу.

Іна запэўнівае, што ў акцыі пратэсту яны не ўдзельнічалі і не сігналілі, бо тэхнічна не маглі гэта зрабіць: у іх зламаны сігнал.

— Вуліца апынулася перакрытая, бачу — разбітае аўто і жанчына ў крыві з дзіцем на руках, дзяўчынка крычала. Яны казалі, што не сігналілі, проста ехалі. Сілавікі сказалі ім, што самі вінаватыя, — расказаў сведка таго, што здарылася «Нашай Н**е».

12 жніўня на плошчы Леніна чалавек стаў на калені з партрэтам пацярпелай напярэдадні дзяўчынкі. На адваротным баку лістка быў надпіс: «Патрэбна кроў - бярыце маю, не чапайце дзяцей».

Атрымаць каментар па сітуацыі ў МУС T*T.BY пакуль не ўдалося.

Чытайце таксама: Что происходило, пока не работал интернет. Брутальные задержания в Гродно

Падзяліцца

Апошнія запісы

Прарэктара з Гродна аштрафавалі за прусакоў у інтэрнаце

На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…

16 мая 2024

У Гродна новы горад-пабрацім. Чым ён вядомы?

Гродна і азербайджанскі горад Габала сталі гарадамі-пабрацімамі. Дамоўленасць пра гэта павінна вывесці супрацоўніцтва на новы…

16 мая 2024

У Гродне ўпершыню пройдзе гарадскі выпускны: калі і дзе?

Гарадскі выпускны ў Гродне ўпершыню пройдзе 14 чэрвеня. Месцам святкавання выбралі Савецкую плошчу. Падчас свята…

16 мая 2024

У Слоніме загарэўся разметачны аўтамабіль дарожнікаў - працоўны загінуў

У Слоніме памёр 26-гадовы працоўны, які пацярпеў пры пажары дарожна-разметачнай машыны. Яго адзенне загарэлася ад…

16 мая 2024

Дыджэй з Гродна выступіць на дабрачынным фэсце ў Варшаве — каб дапамагчы дзецям палітвязняў

Дыджэй з Гродна Schmoltz выступіць на дабрачынным фестывалі Belarus Outside Sound System. Там будуць збіраць…

16 мая 2024

Нерухомасць тыдня: кампактная двухпакаёўка з відэапраектарам ля «Баторыі»

Двухпакаёвая кватэра па вул. Стэфана Баторыя, 10 прадаецца ў Гродне. Фішка кватэры - відэапраектар з…

15 мая 2024