Сёння цалкам перакрылі скрыжаванне вуліц Сацыялістычная і К.Маркса. У выніку ўсе цэнтральныя вуліцы спыніліся. Праехаць практычна немагчыма, піша «АвтоГродно».
Скрыжаванне планавалі закрываць 24 жніўня ў сувязі з працягам рамонту на вуліцы Карла Маркса, але тэрміны перанеслі на 26 жніўня. Таксама скрыжаванне ля аўтавакзала планавалі зрабіць Т-падобным, але гэтага не адбылося.
Карэспандэнт «АвтоГродно» пачаў свой шлях ад аўтавакзала. З вуліцы Чырвонаармейскай можна паварочваць толькі направа, як і раней.
З боку аўтавакзала машын няшмат, але трафік пастаянна ўзмацняецца з боку вуліцы Антонава, міма Скідзельскага рынку. Да моманту напісання артыкула аўтамабілі на ёй сталі ў сур’ёзны затор. Па вуліцы Будзёнага ў прамым напрамку праехаць можна. Але ці ёсць сэнс? Паглядзіце, якія заторы:
На вуліцы Карла Маркса працягваюцца працы.
Спецыялісты «Гроднаводаканал» завяршаюць свае працы, зганяецца дарожная тэхніка.
Перакрыта скрыжаванне з вуліцай Сацыялістычнай.
Участак ад Фарнага касьцёла да вуліцы Сацыялістычнай заасфальтаваны чарнавым пластом асфальту. Тэхніка стаіць на скрыжаванні.
На вуліцу Кірава ўезд адкрыты, але аўтамабілісты трапляюць у «пастку». Затор пачынаецца прыкладна ад вуліцы Сацыялістычнай і да скрыжавання ля танка.
Стары мост вольны. З яго многія спрабуюць звярнуць направа ў бок Скідзельскага рынку, але і там заторы.
На вуліцы Парыжскай Камуны пешаход ідзе ў разы тры хутчэй, чым рухаецца паток аўтамабіляў.
Тут усё — і грамадскі транспарт, і грузавікі даставак і звычайныя аўтамабілісты. Многія проста глядзяць у тэлефоны, стаяць прыходзіцца падоўгу.
Як жа цяпер ездзіць праз цэнтральныя вуліцы Гродна? Лепш наогул аб’язджаць, так вы сапраўды зэканоміце час.
Раней паведамлялася, што вуліца Карла Маркса будзе цалкам перакрытая да 30 жніўня. Не выключана, што праз сітуацыю, якая склалася, скрыжаванне з Сацыялістычнай адкрыюць раней.
За распаўсюд экстрэмісцкіх матэрыялаў у Іўі судзілі пастыра. Верагодна, гаворка ідзе пра Юрыя Гардзея, пастыра…
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…
На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…
Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…