Галоўны корпус ГрГУ. Фота: abiturient.by
Больш за 2 тысячы студэнтаў, выпускнікоў, выкладчыкаў і супрацоўнікаў Гродзенскага дзяржаўнага ўніверсітэта імя Янкі Купалы падпісаліся пад адкрытым зваротам. Купалаўцы патрабуюць справядлівага пакарання вінаватых у гвалце сілавікоў, новых выбараў і вызвалення палітвязняў.
Аўтары звароту пішуць, што «не могуць моўчкі назіраць за тым, што адбываецца цяпер у нашай краіне». Яны адзначаюць масу парушэнняў на выбарах 9 жніўня і іх неадпаведнасць законам, збіццё мірных дэманстрантаў, катаванні. У звароце купалаўцы просяць падтрымаць іх патрабаванні:
1. Прыцягнуць да адказнасці ўсіх супрацоўнікаў праваахоўных органаў, вінаватых у збіцці і забойствах пратэстоўцаў;
2. Вызваліць усіх палітвязняў і асоб, затрыманых за ўдзел у мірных пратэстах і выказванне свайго меркавання;
3. Прызнаць праведзеныя 9 жніўня выбары несапраўднымі, правесці новыя сумленныя выбары;
4. Прыцягнуць да адказнасці асоб, якія ўдзельнічалі ў фальсіфікацыі выбараў.
Чытайце таксама: Ректор ГрГУ им. Янки Купалы пообещала поддержать студентов и сотрудников, пострадавших при задержании силовиками
На момант публікацыі зварот падпісалі амаль 2300 чалавек. Сярод іх студэнты ўсіх факультэтаў універсітэта, магістранты, выпускнікі розных гадоў, каля 60 выкладчыкаў.
Таксама ініцыятыўная група Купалаўскага ўніверсітэта мае намер стварыць грамадскую арганізацыю, якая пачне дзейнічаць у ВНУ. Пра гэта стала вядома пасля сустрэчы прадстаўнікоў ініцыятыўнай групы з Уладзімірам Каранікам, старшынёй гродзенскага аблвыканкама.
Чытайце таксама:
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…