Навукоўцы з Гродна прынялі рэзалюцыю. Яны заклікаюць Польшчу адмовіцца ад будаўніцтва памежнай агароджы на тэрыторыі Белавежскай пушчы. Пра гэта 15 лютага паведаміў тэлеканал «Гродно Плюс».
Паводле навукоўцаў, штучная агароджа — згуба для навакольнага асяроддзя. «Будаўніцтва плота парушыць міграцыйныя плыні, парушыць памнажэнне гэтых жывёлаў. Таксама прывядзе да механічных пашкоджанняў, траўмаў і без таго абядніць невялікі генафонд. Для раслінных супольнасцяў гэта прывядзе да парушэння суцэльнасці і гідралагічнага рэжыму», — сказаў дэкан факультэта біялогіі і экалогіі Гродзенскага дзяжраўнага ўніверсітэта імя Янкі Купалы Аляксандр Карэўскі тэлеканалу «Гродно Плюс».
Беларускія навукоўцы плануюць супольна з польскімі калегамі падрыхтаваць навуковае абгрунтаванне, чаму нельга будаваць агароджу ўздоўж мяжы. Яго хочуць накіраваць кіраўніцтву Польшчы і Літвы.
Будаваць плот на мяжы Польшча пачала ў жніўні 2021 года. Гэта звязана з павялічэннем плыні нелегальных мігрантаў. Уздоўж мяжы плануюць пабудаваць сцяну вышынёй 5,5 метраў і даўжынёй 186 кіламетраў. Кошт праекта ацэньваюць у € 353 млн. Скончыць будаўніцтва плануюць у чэрвені 2022 года.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…