Гродзенскага Instagram-блогера Вадзіма Ермашука (Vadimati) этапавалі ў папраўчую калонію № 2 ў Бабруйску. Гэта адбылося 27 сакавіка, паведаміў тэлеграм-канал «Право имеют».
Вадзіма Ермашука 16 жніўня 2021 года затрымалі ў Шчучыне, дзе ён здымаў для свайго блога ролік пра мясцовы скейт-парк. Яго змясцілі ў ізалятар і тры разы судзілі па адміністрацыйных артыкулах: за «заклік да несанкцыяванага масавага мерапрыемства», «паклёп на супрацоўнікаў ЖКГ і гравыканкама», а таксама за «распаўсюд інфармацыйнай прадукцыі, якая змяшчае прызывы да экстрэмісцкай дзейнасці».
Пакуль Ермашук быў у ізалятары, на яго завялі дзве крымінальныя справы. Першая — здзек з дзяржаўных сімвалаў (арт. 370), другая — абраза прэзідэнта (арт. 368). Па іх Ермашука асудзілі 21 снежня 2021 года на тры гады пазбаўлення волі ў калоніі агульнага рэжыму.
Вадзім Ермашук — Instagram-блогер. Працаваў прадаўцом на рынку «Корона». Актыўна займаўся рэкламай мясцовага бізнеса. 27 кастрычніка 2020 года яго асудзілі на штраф у 20 базавых велічынь (на той момант 540 рублёў) у судзе Кастрычніцкага раёна за марш гродзенцаў 30 жніўня. Вадзім выказваўся супраць гвалту, падтрымліваў палітвязняў і наведваў суды па «палітычных» працэсах. Называў сябе «народным дэпутатам» і здымаў у гэтым вобразе відэа.
Чытайце таксама: «Нават у царскі час блазнаў не казнілі». Сваякі гродзенскага блогера Вадзімаці кажуць, што на яго рыхтуюць некалькі крымінальных спраў
У Гродне знайшліся актуальныя вакансіі, дзе прапануюць заробак больш за чатыры тыс. рублёў у месяц.…
Віцэ-спікер Сената Польшчы Мацей Жыўна ўмяшаецца ў пытанне з закрытай мяжой. Ён звернецца ў Міністэрства…
Мост праз Юрысдыку на вуліцы Філарэта (былая Горкага) ў Гродне чакае капітальны рамонт. У час…
У Лідзе сілавікі затрымалі пяць чалавек. Гродзенку Валерыю Латаш судзілі за атрыманне замежнай дапамогі. Бондарава…
9 траўня ў Гродне адбудзецца маштабнае святкаванне Дня Перамогі. У 2024 годзе ў Беларусі адзначаюць…
У новым мікрараёне на Лідскай пачалі будаўніцтва гандлёва-грамадскага цэнтру. Ён размесціцца перад кальцом, з боку…