Фестываль «Автонашествие 2022» адбудзецца ў Гродне 2 ліпеня. Яго правядуць на двух пляцоўках — побач з ГЦ «OldCity» і побач з клубам «БАЗА». Таксама арганізатары ладзяць аўтапрабег па горадзе з суправаджэннем ДАІ.
Якая праграма фестывалю?
ГЦ «OldCity»: 15:00 — 17:30
- GYMKHANA GRODNO — паказальныя заезды матацыклістаў
- Выстава ўнікальных аўтамабіляў
- Выстава аўтамабіляў клубаў
- Тэст-драйвы новых аўтамабіляў
- Дзіцячая паласа заездаў (электрамабілі, сігвеі, скутэры)
- Інтэрактыў «Размалюй аўто фарбамі!» для дзяцей
- Танцавальная шоу-праграма
17:30 — Пачатак аўтапрабегу па Гродне
18:00 — Фініш на пляцоўцы клуба «БАЗА»
Пляцоўка побач з клубам «БАЗА»: 18:00 — 22:00
- Фінал этапу рэспубліканскіх спаборніцтва па аўтагуку
- Выстава ўнікальных аўтамабіляў
- Аўтамабільны флэшмоб
- Танцавальная шоу-праграма (танцавальныя батлы)
- Шашлычная Food-зона (частаванні і дэгустацыя)
- Бяспройгрышная латарэя
- Уручэнне клубнай і спонсарскай атрыбутыкі пераможцам «Аўтанашэсця»
У 22:00 пачнецца начная праграма ў клубе «БАЗА». Там арганізуюць двухузроўневую сцэну, дзе выступяць дыджэі.
Уваход на пляцоўку «Автонашествия 2022» побач з «OldCity» вольны. Уваход на пляцоўку клуба будзе платны. Набыць квіткі можна будзе ў клубе альбо боўлінг-клубе «Метро».
Хто арганізоўвае фестываль?
Галоўныя арганізатары фестывалю: клуб «БАЗА», ГЦ «OldCity», а таксама клуб арганізацыі «RA community». Арганізатары спаборніцтваў па аўтагуку: SUBWOOW CLUB і Беларуская Ліга Аўтагуку. Арганізатары хуткаснага мота-манеўравання — GYMKHANA GRODNO.
Як прыняць удзел у фестывалі
Каб прыняць удзел у выставачнай зоне аўтамабіляў, трэба падаць заяўку і прайсці адбор. Тры пераможцы атрымаюць кубкі.
Зарэгістраваццца на «Рэспубліканскія спаборніцтвы па аўтагуку» можна тут. Праграма пачнецца 2 ліпеня ў 12:00 на вуліцы Перамогі, 35 — пляцоўка побач з клубам «БАЗА». Фінал і ўзнагароджанне ў 22.00.
