У Слоніме старэйшы памочнік пракурора Вольга Кузьма распавяла дзецям пра пракуратуру і гісторыю Беларусі. У канцы кастрычніка 2022 года яна наведала Слонімскі дашкольны цэнтр развіцця дзіцяці, паведаміў «Слонімскі веснік». Гэта не адзінкавы выпадак: пракуроры прыходзяць у дзіцячыя садкі ў розных гарадах, каб распавесці пра Вялікую айчынную вайну, генацыд беларускага народу і патрыятызм.
Памочніца пракурора падчас сустрэчы з дашкольнікамі распавяла пра ролю пракуратуры ў Беларусі. Таксама з дзецьмі зладзілі «падарожжа ў гісторыю Беларусі», узгадалі дзяржаўныя сімвалы, ушанавалі хвілінай маўчання загінулых у часы Вялікай Айчыннай вайны. Нацыянальныя традыцыі «замацавалі» праз беларускія танцы і гульні.
Пракуроры прыходзяць у садкі ў межах акцыі «Ліст аб Беларусі». Таму ў канцы сустрэчы дзеці «адправілі» сімвалічны ліст аб Беларусі «новым сябрам з розных краін».
Падобныя сустрэчы адбываюцца ў дзіцячых садках Беларусі на працягу 2022 года. Іх арганізавала Міністэрства адукацыі разам з Генеральнай пракуратурай Беларусі. Такія мерапрыемствы праводзяць, каб «прывіць дзецям патрыятызм і любоў да Радзімы».
Падобныя сустрэчы адбыліся ў Мінску, Віцебску, Касцюковічах (Магілёўская вобласць), а таксама ў дашкольных установах Брэста і Брэсцкай вобласці.
Чытайце таксама: У памяць аб забітых у Гродзенскай турме ўсталююць мемарыяльную шыльду. Пракуратура кажа, што там забівалі немцы і нацыяналісты
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…