Памежны пункт пропуска «Баброўнікі» адкрыюць на наступны дзень пасля вызвалення журналіста Анджэя Пачобута. Пра гэта 23 сакавіка сказаў міністр унутраных спраў Польшчы Марыюш Камінскі.
![Баброўнікі Bobrowniki Бобровники](https://dzh7f5h27xx9q.cloudfront.net/wp-content/uploads/2023/02/bobrowniki-granica-800x443.jpg)
«Калі Анджэя Пачобута заўтра адпусцяць, то пераход у Баброўніках будзе адкрыты паслязаўтра», — сказаў Камінскі.
Таксама ён сказаў, што Польшча будзе жорстка рэагаваць на дзеянні супраць Польшчы альбо польскіх грамадзян.
Пачобута асудзілі на 8 гадоў
Палітзняволенага журналіста Анджэя Пачобута асудзілі да васьмі гадоў калоніі ўзмоцненага рэжыму 8 лютага 2023 года. Праз два дні - 10 лютага — Польшча закрыла памежны пункт пропуска «Баброўнікі» на польска-беларускай мяжы.
Тады эксперты выказалі меркаванне, што прычынай для закрыцця «Баброўнікаў» стаў прысуд Пачобуту. Але афіцыйна пра гэта ніхто не заяўляў.