Навіны

Паглядзіце, які стыльны «гродзенскі» заплечнік выпусціў брэнд Vokladki

Брэнд заплечнікаў і аксесуараў Vokladki стварыў заплечнік-рол з выявай гродзенскай пажарнай каланчы. Яго прэзентавалі ў Instagram 16 траўня. Гродзенскі прынт стаў першым нямінскім малюнкам на заплечніках брэнда.

Фармат заплечніка — рол-міні. Трапіць у асноўнае аддзяленне можна збоку або праз верх. Ёсць дзве невялікія кішэні на маланцы на адным баку і на спінцы. Можна рэгуляваць аб’ём заплечніка за кошт рэгулявання зашпілек. Ва ўшчыльненай мяккай ізаляванай кішэні можна насіць ноўтбук памерам 13−14 цаляў. Дапушчальная нагрузка — 6 кг, аб’ём — 10 л.

На заплечніку можна ўбачыць пажарную каланчу на Замкавай вуліцы. Малюнак дапоўнены дрэвамі і стылізаванымі рыбамі. Цана заплечніка ў інтэрнет-краме — 120 рублёў.

Заснавальнік брэнда Vokladki нарадзіўся ў Гродне

Раней брэнд ужо выпускаў заплечнікі з урбаністычнымі матывамі, але ўсе яны былі пра Мінск. У інтэрнэт-краме ёсць заплечнікі-роллы «Зыбіцкая», «Чыжоўка», «Чырвоны дворык», «Кастрычніцкая».

Тое, што першым з абласных цэнтраў на заплечніках з’явіўся менавіта Гродна, звязана з заснавальнікам брэнда. Стваральнік Vokladki Фёдар Шылін нарадзіўся ў Гродне.

Фота: instagram.com/vokladki.by

Мяркуючы па каментарах, пакупнікі вельмі чакалі нямінскі прынт. Зараз падпісанты прапануюць выпусціць магілёўскія і брэсцкія заплечнікі Vokladki.

Чытайце таксама: Шоурум гродзенскага брэнда Zvonkomadewithlove адкрылі на Замкавай

Пра Vokladki

Брэнд Vokladki стварыў у Мінску ў 2012 годзе Фёдар Шылін. На старце Фёдар шыў вокладкі дома і прадаваў праз групу Вконтакте. Сёння галоўная прадукцыя брэнда — заплечнікі. Таксама ў краме можна купіць футаралы для ноўтбука, пасавыя сумкі, кашалькі, касметычкі, вокладкі для дакументаў.

Нядаўна Vokladki зрабілі калабарацыю з клінікай жаночага здароўя і выпусцілі футарал для пракладак і тампонаў. У Instagram брэнда можна знайсці футаралы для шаурмы і стагі сена, пахаванне заплечніка ці твар Ван Гога у шоперы.

Падзяліцца

Апошнія запісы

У цэнтры Гродна заканчваюць будаваць буйны офіс для айцішнікаў

У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…

2 мая 2024

ІП везла праз мяжу б/у рэчы для дабрачыннай арганізацыі - вось за што яе аштрафавалі

Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…

1 мая 2024

У гістарычным цэнтры Гродна прадаюць вялізную кватэру з вінным склепам — за $ 266 500

На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…

1 мая 2024

Цэны на арэнду кватэр у Гродне пайшлі ўгору перад доўгімі выхаднымі - чакаецца лавіна турыстаў

У Гродне пачаўся рост цэн за арэнду кватэры на майскія святы. Гэта звязваюць з плынню…

1 мая 2024

У Зарыцы хочуць пабудаваць новы квартал таўнхаўсаў

У мікрараёне “Зарыца-1” плануюць пабудаваць блакаваныя жылыя дамы. Участак выставілі на аўкцыён, паведаміў Гродзенскі цэнтр…

1 мая 2024

База КДБ: як на «Радыёхвалі» не ўдалося сабраць подпісы за Лукашэнку

Супрацоўнік "Радыёхвалі" ў Гродне Аляксандр Каяла паскардзіўся ў КДБ на тое, што не змог пакінуць…

30 красавіка 2024