Аляксандр Лукашэнка 30 траўня 2023 года прызначыў новага старшыню Гродзенскага гарвыканкама. Ім стаў былы міністр жыллёва-камунальнай гаспадаркі Андрэй Хмель. Папярэдні кіраўнік горада Мечыслаў Гой займаў пасаду амаль 9 гадоў - са жніўня 2014 года.
Пра новага старшыню папрасіў Каранік?
«Я лічу вас вельмі падрыхтаваным чалавекам, памятаю вашы даклады з Віцебскай вобласці. Вы вельмі добра разбіраецеся ў гэтай тэме. І калі паступіла просьба кіраўніцтва Гродзенскай вобласці, там не толькі Каранік папрасіў, я падумаў, што, калі вы згодныя, гэта цалкам нармальная пасада», — сказаў Аляксандр Лукашэнка новаму старшыню Гродзенскага гарвыканкама Андрэю Хмелю.
Што вядома пра новага старшыню
Андрэй Хмель нарадзіўся ў Лідзе ў 1983 годзе. У 2006 годзе скончыў Беларускі дзяржаўны аграрны тэхнічны ўніверсітэт. З 2013 па 2014 года працаваў інжынерам-энэргетыкам «Біяком-тэхналогія». У 2014 годзе стаў дырэктарам прадпрыемства «Гарсвет». З 2016 года быў кіраўніков Гродзенскай гарадской ЖКГ. З 2017 года ўзначальваў Міністэрства прыродных рэсурсаў і аховы навакольнага асяроддзя, а з 2020 быў міністрам ЖКГ.
Змены не толькі ў горадзе
Таксама Аляксандр Лукашэнка змяніў кіраўніцтва Дзяржпагранкамітэта. Яго ўзначаліў былы кіраўнік Гродзенскай пагранічнай групы Канстанцін Маластоў. Папярэдняга кіраўніка Дзяржпагранкамітэта Анатоля Лапо звольнілі ў запас.
