Сілавікі затрымалі трэнера і адміністратарку, якія працуюць у гродзенскім футбольным клубе «Нёман». Іх абвінавацілі ў падпісках на «экстрэмісцкія» каналы. Аб затрыманні паведаміў адзін з каналаў сілавікоў.
Затрыманы трэнер — Дзмітрый Бельскі. Ён працуе ў футбольнай спартовай школе (СДЮШАР) «Нёмана». Выпускнік факультэта фізкультуры ГрДУ мае трэнерскую ліцэнзію UEFA. Яго па відэа апазнала «Наша Ніва».
Судзячы па відэа, Бельскага затрымалі ў лесапарку Пышкі, побач са спартовай школай, дзе ён працуе.
Затрыманая адміністратарка — Юлія Арлашына. Яна таксама працуе ў спартыўнай дзіцяча-юнацкай школе «Нёмана».
На відэа затрыманыя распавялі, што раней з імі правялі сход кіраўнікі з нагоды падпісак на экстрэмісцкія каналы.
Яны пад подпіс былі азнаёмленыя з заканадаўствам у сферы распаўсюджвання «экстрэмісцкіх матэрыялаў».
Раней сілавікі затрымалі спартовага дырэктара «Нёмана», былога футбаліста клуба Дзмітрыя Кавалёнка — таксама за падпіскі на «экстрэмісцкія» сацсеткі. Для яго затрыманне скончылася звальненнем з клуба.
Святкаванне Дня Перамогі ў Гродне пачалі з акцыі "Беларусь памятае" - шэсця з партрэтамі ўдзельнікаў…
Частку ўнутранай паркоўкі гандлёвага цэнтра OldCity аддалі пад арэнду дрыфт-трайкаў. Пакатацца за плату зможа любы ахвочы,…
У пачатку вялікіх выхадных у Беларусі чэргі на мяжы зноў выраслі - на гэты раз…
У Гродне закрываецца "VIP bar" на Дзяржынскага, 8А - не прапрацаваўшы і двух месяцаў. Ён…
Фірму-уладальніка крамы "АвтоЗапчасти" ў Гродне, ТАА "Рукша", зноў хочуць збанкруціць. Банкруцтва хочуць прызнаць праз эканамічны…
Два новенькія электрычныя пікапы Tesla Cybertruck 2023 года выпуску затрымалі літоўскія мытнікі 7 траўня ў…