Участак вуліцы Карскага перакрылі. Рух транспарта будзе забаронены з 14 жніўня да канца кастрычніка 2023 года. Пра гэта паведаміла ДАІ Гродзенскага аблвыканкама.
Для руху перакрылі ўчастак побач з заводакіраваннем «Гродна Азот». Там плануюць аб’ядняць дарогі з новым участкам «Вялікага аб’язднога кола» да вуліцы Прытыцкага.
Калі адкрыюць новы ўчастак дарогі
Участак на скрыжыванні Азёрскай шашы і аб’яздной дарогі плануюць адкрыць да 25 кастрычніка. У перспектыве новая кальцавая магістраль выйдзе на жылы мікрараён Грандзічы, а адтуль — на аўтадарогу Гродна-Друскенікі міма КБМ. Усе 40 кіламетраў новай дарогі будуць цалкам асветлены. Па ёй пракладуць тралейбусныя лініі.
Чытайце таксама: Каранік распавёў, калі ў Гродне адкрыюць новую школу, паліклініку і Азёрскую шашу
