На «Гродна Азот» усталююць мемарыяльную дошку ў гонар Сяргея Прытыцкага. Яе адкрыюць 15 верасня, паведаміла БелТА са спасылкай на кіраўніка аддзела сацыяльнага развіцця прадпрыемства Паўла Лісоўскага.
Адкрыццё дошкі прымяркуюць да «Дня народнага адзінства». Яе размесцяць на першай прахадной «Гродна Азот».
Сяргей Прытыцкі (1913−1971) — дзяржаўны і палітычны дзеяч БССР. Адзін з арганізатараў камсамольскага падполля Заходняй Беларусі. З 1948 г. па 1951 г. працаваў сакратаром Гродзенскага абкама партыі, займаўся арганізацыяй эканамічнай і сацыяльнай інфраструктуры Гродна.
У перыяд з 1971 па 2000 год гродзенскі хімічны камбінат насіў імя Сяргея Прытыцкага. Потым прадпрыемства перайменавалі ў Гродзенскае вытворчае прадпрыемства «Азот», а ў 2002 — у «Гродна Азот».
«Усе гэтыя гады нашыя ветэраны неаднаразова выступалі з ініцыятывай увекавечыць імя Сяргея Прытыцкага. Ідэйным натхніцелем гэтай прапановы была і застаецца заслужаны ветэран прадпрыемства Лідзія Ільінічна Рымарчук. Яе ідэю падтрымаў Савет ветэранаў і кіраўніцтва прадпрыемства», — сказаў Павел Лісоўскі.
У музейнай залі прадпрыемства рыхтуюцца аформіць вітрыну, прысвечаную Прытыцкаму. Новую вуліцу, якая будзе весці да «Гродна Азот», назавуць імем Прытыцкага. Яе адкрыццё рыхтуюць да 25 кастрычніка 2023 года.
Чытайце таксама: У Гродне з’явіцца «расійскі» квартал, а таксама вуліца Прытыцкага
У Гродне закрываецца "VIP bar" на Дзяржынскага, 8А - не прапрацаваўшы і двух месяцаў. Ён…
Фірму-уладальніка крамы "АвтоЗапчасти" ў Гродне, ТАА "Рукша", зноў хочуць збанкруціць. Банкруцтва хочуць прызнаць праз эканамічны…
Два новенькія электрычныя пікапы Tesla Cybertruck 2023 года выпуску затрымалі літоўскія мытнікі 7 мая ў…
Будынак запраўкі “Газпрамнафты”, а таксама матэль і кафэ ля самай беларуска-літоўскай мяжы прадаюць з аўкцыёну.…
"Каманду Латушкі і Рух "За Свабоду" 8 траўня прызналі экстрэмісцкім фармаваннем. У ліку адказных за…
Праўладная актывістка Вольга Бондарава ў сваім допісе назвала нявестку Аляксандра Лукашэнкі “змагаркай”. Але пазней адрэдагавала…