У судзе Кастрычніцкага раёна Гродна 4 кастрычніка будуць судзіць святара Андрэя Наздрына. Яго судзяць за распаўсюд экстрэмісцкіх матэрыялаў паводле ч.2 арт. 19.11 КаАП. Пасяджэнне з’явілася ў раскладзе судоў.
Паводле інфармацыі Hrodna.life, ім зацікавіліся праз падпіску на акаўнт чалавека, чые сацсеткі былі прызнаныя экстрэмісцкімі. Суддзя — Алена Тоўсцік-Самойла.
UPD. Андрэя Наздрына аштрафавалі на 15 базавых велічыняў (555 рублёў) і канфіскавалі ягоны тэлефон. «Усім дзякуй за малітвы. Многія ведалі, што ў мяне сёння быў суд паводле ч.2 арт.19. 11 КаАП. Далі штраф, канфіскавалі тэлефон. У мяне ўсё добра. Прашу і далей маліцца», — запісаў зварот святар у Instagram.
Ён таксама распавёў, што яго затрымалі пасля ананімнага даносу — участковы інспектар выявіў у Instagram падпіску на старонку, якая ў 2023 годзе была прызнаная экстрэмісцкай. Гаворка ідзе пра падпіску на акаўнт гродзенскага журналіста Руслана Кулевіча.
Андрэй Наздрын — клірык Гродзенскай епархіі БПЦ, былы настаяцель храма Спірыдона Трыміфунцкага ў Гродне на Альшанцы. У траўні 2022 года міліцыя правяла з ім прафілактычную гутарку. Пасля гэтага Андрэя знялі з пасады пасля сямі гадоў службы. Цяпер ён служыць у вёсцы Коматава.
Ноздрын у жніўні 2020 года казаў пра тое, што не трэба не распальваць варожасць паміж народам і арміяй. Ён дапамагаў затрыманым падчас мірных пратэстаў і прывозіў у месцы зняволення ваду і сродкі гігіены. З пачаткам вайны ва Украіне выказаўся супраць яе.
Чытайце таксама:
У Гродне ўжо некалькі месяцаў затрымліваюць і судзяць за падпіску на паблік “Новости Гродно |…
За ўвесь час, колькі ідзе адбудова Любчанскага замка, у ім аднавілі частку абарончых сцен і…
Другі ў горадзе шматузроўневы паркінг адкрытага тыпу пабудуюць у новым мікрараёне Грандзічы-23. Ужо адбываецца закладка…
Каля Каложскай царквы 18 траўня адкрылі званіцу. Папярэдне планавалася, што званы ўпершыню прагучаць у Дзень…
За распаўсюд экстрэмісцкіх матэрыялаў у Іўі судзілі пастыра. Верагодна, гаворка ідзе пра Юрыя Гардзея, пастыра…
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…