Лідскі малочна-кансервавы камбінат. Фота: lidanews.by
Міліцыя прыйшла на Лідскі малочнакансервавы камбінат. 6 кастрычніка за распаўсюд экстрэмісцкіх матэрыялаў у інтэрнэце там затрымалі некалькі супрацоўнікаў. Пра гэта паведамілі ў мясцовым праўладным канале.
Сілавікі сцвярджаюць, што затрыманні будуць працягвацца.
Таксама на мінулым тыдні, 3 кастрычніка, сілавікі затрымалі на працы начальніка пажарнай аховы «Лідахлебапрадукт» Юрыя Мечыслававіча Авіжыча, паведамляе Telegram-канал «Задержания, суды в Лиде».
На пазамінулым тыдні на лідскім прадпрыемстве «Конус» праваахоўнікі таксама затрымалі некалькі супрацоўнікаў за распаўсюд экстрэмісцкіх матэрыялаў. Верагодна, 9 кастрычніка справу як мінімум аднаго супрацоўніка «Конуса» разглядалі ў судзе Лідскага раёна. Гэта Арцём Юр’евіч Рэпкін — ягоная справа трапіла ў расклад судовых паседжанняў. У сацсетках мужчыны пазначана, што ён працуе на прадпрыемстве «Конус». Таксама судзяць Валянціна Станіслававіча Казлоўскага.
За апошні месяц сілавікі прыходзілі на 9 лідскіх прадпрыемстваў. На некаторыя з іх прыходзяць і «паўторна». Пачалося ўсё з затрыманняў на фестывалі LIDBEER. Эксперты кажуць, што гэта «адпрацоўка рэгіёну». Магчыма, сігнал паступіў з «цэнтра».
Чытайце таксама:
Частку ўнутранай паркоўкі гандлёвага цэнтра OldCity аддалі пад арэнду дрыфт-трайкаў. Пакатацца за плату зможа любы ахвочы,…
У пачатку вялікіх выхадных у Беларусі чэргі на мяжы зноў выраслі - на гэты раз…
У Гродне закрываецца "VIP bar" на Дзяржынскага, 8А - не прапрацаваўшы і двух месяцаў. Ён…
Фірму-уладальніка крамы "АвтоЗапчасти" ў Гродне, ТАА "Рукша", зноў хочуць збанкруціць. Банкруцтва хочуць прызнаць праз эканамічны…
Два новенькія электрычныя пікапы Tesla Cybertruck 2023 года выпуску затрымалі літоўскія мытнікі 7 траўня ў…
У Гродне прадаецца двухпакаёвая кватэра ў гістарычным цэнтры на вул. Гараднічанская, 27. Яна знаходзіцца ў…