Кавярню і арт-студыю «Вкус искусства» рыхтуюць да адкрыцця у Гродне. Яна размесціцца на першым паверсе будынка на Калючынскай, 12. Гэты адрас вядомы гродзенцам па бары «Куба» ў падвале.
У тэставым рэжыме кавярня будзе працаваць з 11 лютага. Адкрыццё запланавана на 10.00.
Час працы:
Зараз ідзе рамонт новай прасторы. Інтэр'еры — сцены, столь, мэбля — будуць у цёмна-сінім, чырвоным і белым колерах. Столікі плануюцца яскравыя ў выглядзе палітр. На часткі залу будуць дзяліць цяжкія чырвоныя шторы і вялікі кніжны стэлаж. Ужо зараз на ім можна пабачыць кнігі па мастацтве, альбомы, класічную літаратуру кшталту Германа Гесэ. У замацаваных сторы ёсць «Кніжны клуб», але пакуль без апісання. Пашыраць прастору і ўзмацняць атмасферу сюррэалізму маюць люстэркі ў выглядзе арак.
У меню ўстановы абяцаюць каву, гарбату, віно і кактэйлі, а таксама дэсерты. У прасторы плануюць праводзіць арт-вечарыны, майстар-класы і курсы па жывапісе.
«Вкус искусства» — праект, які таміўся ў душы шмат гадоў, і вось нарэшце мара становіцца рэальнасцю!" — напісалі на старонцы арт-прасторы ў Instagram. Уладальнікі абяцаюць «ноткі сюррэалізму ў інтэр'еры, мноства цікавых дэталяў і творчую атмасферу».
Чытайце таксама: У Гродне адкрылі «краму прыгожых прадметаў»: там прадаюцца аўтарскія рэчы — эстэтычныя і экалагічныя
Будынак праектуюць на набярэжнай проста пад Новым замкам, каля існага бізнес-центра на вул. Завадской, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…
Гродна і азербайджанскі горад Габала сталі гарадамі-пабрацімамі. Дамоўленасць пра гэта павінна вывесці супрацоўніцтва на новы…
Гарадскі выпускны ў Гродне ўпершыню пройдзе 14 чэрвеня. Месцам святкавання выбралі Савецкую плошчу. Падчас свята…
У Слоніме памёр 26-гадовы працоўны, які пацярпеў пры пажары дарожна-разметачнай машыны. Яго адзенне загарэлася ад…
Дыджэй з Гродна Schmoltz выступіць на дабрачынным фестывалі Belarus Outside Sound System. Там будуць збіраць…