Пенсіянерку Ірыну Панасік аштрафавалі за атрыманне замежнай дапамогі. Яна атрымала прадуктовы набор ад «INeedHelpBY», які купілі праз інтэрнэт-краму «Еўраопт». Верагодна, гэта маці палітвязня Валянціна Панасіка, асуджанага на шэсць гадоў калоніі.
Суд палічыў, што Ірына звязалася з «INeedHelpBY», якая пазней была прызнаная экстрэмісцкім фарміраваннем. Яна падала дакументы з прысудам сына. І атрымала тавары на 282,84 рублёў. Так яна нібыта прычыніла шкоду дзяржаўным і грамадскім інтарэсам і парушыла абз.2 п. 2 Дэкрэта Прэзідэнта Рэспублікі Беларусь
Ірына віну не прызнала. Суд Ленінскага раёна 15 сакавіка пастанавіў аштрафаваць яе на 30 базавых велічынь (1200 рублёў) і спагнаць дзяржаве кошт дапамогі — 282,84 рублёў. Таксама ў яе канфіскуюць тэлефон.
Валянцін Панасік 5 студзеня 2022 года быў асуджаны да шасці гадоў пазбаўлення волі за публікацыі ў сацыяльных сетках, якія змяшчаюць заклікі да вулічных пратэстаў, актыўнага супраціву ў выпадку іх падаўлення. Трапіў у спіс асобаў, «датычных да тэрарыстычнай дзейнасці» — яму забароненыя грашовыя пераводы. Утрымліваўся ў гродзенскай турме № 1, Цяпер — у бабруйскай ПК № 2.
Як мінімум восем жыхароў Гродзенскай вобласці судзілі за атрыманне замежнай дапамогі. Усяго ў Беларусі вядома пра 127 судоў па справах, звязаных з «INeedHelpBY». Сярод іншага, іх абвінавачваюць у тым, што яны «неправамерна легітымізавалі злачынцаў», надаючы ім «псеўда-статус палітвязняў».
Чытайце таксама: «Псеўда-статус палітвязняў». Яшчэ двух гродзенцаў аштрафавалі і прымусілі вярнуць грошы ад INeedHelpBY
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…
Гродна і азербайджанскі горад Габала сталі гарадамі-пабрацімамі. Дамоўленасць пра гэта павінна вывесці супрацоўніцтва на новы…
Гарадскі выпускны ў Гродне ўпершыню пройдзе 14 чэрвеня. Месцам святкавання выбралі Савецкую плошчу. Падчас свята…
У Слоніме памёр 26-гадовы працоўны, які пацярпеў пры пажары дарожна-разметачнай машыны. Яго адзенне загарэлася ад…